Ахсынньы 23 күнүгэр 16-с төгүлүн ыытыллар «Мы — будущее России» диэн оҕолор гражданскай форумнара буолан ааста. Кыттааччылар уопсайа 7 хайысханан үлэлээтилэр, олортон биирдэстэрэ экология, айылҕаны харыстааһын «Береги планету!» хайысха буолла. Биэс улуус айылҕаны харыстыыр туһугар туох былааннаахтарын кэпсээтилэр. Өлүөхүмэ, Өймөкөөн, Өлөөн, Орто Халыма уонна Ньурба улууһуттан 46 үөрэнээччи, сүрүннээн 11 кылаас үөрэнээччилэрэ кыттыыны ыллылар.
Ньурба улууһа «Сапропель — богатство озёр» диэн бырайыагынан кытынна. Бырайыак туһунан Маалыкай орто оскуолатын 11 кылааһын үөрэнээччитэ Виктория Спиридонова сырдатта.
— Сапропель диэн экологическай, ыраас уоҕурдуу буолар. Күөл анныгар баар буолар, ону хостоон, хатаран, үүнээйилэргэ уоҕурдуу оҥоробут. Сыалбыт химическай удобрениелары аҕыйатааһын, тоҕо диэтэххэ, үүнээйилэр араас доруобуйаҕа кутталлаах састааптаах буолан үүнэллэр. Бырайыакпытын Ил Дархан Харыйатыгар кэлээри суруйбуппут, ол эрэн былырыыҥҥыттан үлэлэспиппит. Форумҥа уон биир буолан кэлбиппит, биэс оҕо кэпсээтибит, — диэн биир дойдулааҕым Виктория кэпсээтэ. Кини «Кэскил» медиакиинигэр эмиэ дьарыктанар.
Экология, айылҕаны харыстааһын «Береги планету!» диэн хайысхаҕа, кырдьык, биһиги төрөөбүт дойдубутун, айылҕабытын харыстыырга олус туһалаах санаалар, бырайыактар бааллар эбит диэн көрдүм.
Оҕолор, айылҕаны таптыаҕыҥ уонна харыстыаҕыҥ!
Анжелина Жданова,11 кылаас үөрэнээччитэ.
«Ыллык» эдкорпост.
Ньурба, Хаҥалас.