Арыылаах агро хайысхалаах орто оскуолатыгар кыргыттарга уонна уолаттарга баскетболга улуус чемпионата буолан ааста. Кыргыттарга 6 хамаанда, уолаттарга 9 хамаанда күрэс былдьастылар.
Уопсай түмүккэ, уолаттарга Сунтаар бастакы нүөмэрдээх орто оскуолата бастакы миэстэ, иккис — Күндэйэ , үһүс — Кутана хамаандалара буоллулар.
Кыргыттарга: бастакы миэстэ — Элгээйи оскуолата, иккис — Кириэстээх, үһүс — СПТЛ-И.
Улан-Удэ куоратыгар буола турар Уһук Илиҥҥи федеральнай уокурук буулдьаннан ытыы күрэһигэр Сунтаардааҕы олимпийскэй эрэллэри бэлэмниир оскуола иитиллээччилэрэ, аҕастыы-балыс Дайаана, Виктория Ераскумовалар ханыынан ытыыга кыһыл көмүс мэтээли ыллылар. Тренердэрэ — Светлана, Александр Николаевтар.
Ераскумова Дайаана Сунтаар бастакы нүөмэрдээх орто оскуолатын 9-в кылааһын үөрэнээччитэ.
Кыайыылаахтарга ситиһиини баҕарабыт!
Сунтаар 1№-дээх орто оскуолатын медиакиинэ.