Балаҕан ыйын 26 күнүгэр биhиги оскуолабытыгар «Школово» ыытар ахсаан олимпиадата буолан ааста. Бу олимпиада былырыынҥыттан Россия үрдүнэн ыытыллар. Манна математиканы интириэhиргиир оҕолор кытталлар.
Олимпиадаҕа биhиги республикабытыттан элбэх оскуола кытынна. Биhиги оскуолабыт «Бастакы ахсаан олимпиадата» диэн, бу үɵрэх дьылыгар маҥнайгы олмпиада 4-7 кылаас үɵрэнээччилэргэ ананна. Манна барыта 90 оҕо кыттыыны ылла. Олимпиада сорудахтарын «Школово» хамаандата толкуйдаан, тобулан оҥорор.
Ыытыллыбыт тэрээhин үрдүк таhымнаахтык ааста, хас биирдии кыттааччы бэйэтин кыаҕын холонон кɵрдɵ. Олус интириэhинэй, толкуйдатар, умсугутар сорудахтаахтар, онон оҕо үɵрэ-кɵтɵ кыттар кыахтаах. Үлэ түмүгэ ити күн сонно биллибитэ. Математикаҕа күүстээх суоттааччылар, 3 оҕо бастакы, 11 оҕо иккис, 16 оҕо үһүс миэстэҕэ тиксэн, үөрүүлэрэ үрдээн, билиилэрэ–көрүүлэрэ өссө кэҥээн, санаалара көтөҕүллэн тарҕастылар.
Яна Васильева, Дьокуускай куорат 17№ — дээх орто оскуолатын 10 «В» кылаас үөрэнээччитэ