Мин кыра эрдэхпиттэн көҥүл тустуунан сөбүлээн дьарыктанабын. Аан бастаан оскуолабытыгар Артем Робертович диэн физкультура учуутала баара. Г.Г. Каприн аатыгар ыытыллыбыт хапсаҕай күрэхтэһиитигэр кытыннарбыта. Аймахтарым өйөөннөр бириис туруорбуттара, онтон ыла бу спорт көрүҥүн олус сөбүлээбитим.
Уһуннук сыралаһан, икки сыл күрэхтэспитим кэннэ бастакы ситиһиим кэлбитэ. Тренерым, Артем Робертович, Амма улууһугар көһөн барбыта. Улахан кылаас уолаттара: Максимов Кирилл уонна Захаров Айгылан дьарыктаабыттара, төрөппүттэрбит өйөөннөр баҕа өттүбүтүнэн улуус иһигэр күрэхтэһиилэргэ кыттарбыт. Онтон Захар Васильевич диэн тренер кэлбитэ. Үс ый дьарыктаабытын кэнниттэн ситиһиилэр сыыйа кэлэн барбыттара. Дьарыктаабыт оҕолоро республика таһымнаах күрэхтэһиилэргэ бастаабыппыт.
Быйыл табаарыһым, Витя Афанасьев аҕата, Степан Викторович дьарыктаата. Араас таһымнаах күрэхтэһиилэргэ улууска, республикаҕа ситиһиилээхтик кытынным. Аан дойду таһымнаах күрэхтэһиигэ кыттан, араас омуктар хайдах тусталларын илэ харахпынан көрдүм, улахан күрэхтэһии диэн хайдаҕын эппинэн-хааммынан биллим. Быйыл «А» категориялаах хапсаҕай күрэҕэр 55 кг чөмпүйүөн үрдүк аатын ыламмын, үөрүүм муҥура суох.
Ситиһиилэрим: үс бастакы миэстэ, икки иккис миэстэ, алта үһүс миэстэ.
Тустууга ситиһии элбэх сыраттан, элбэх көлөһүн тохтуутуттан кэлэр. Ситиһии кэллэҕинэ улахан үөрүү тосхойор.
Слава Потапов, Игидэй орто оскуолатын 8 кылааһын үөрэнээччитэ.
Кэскил14.ру