Алтынньы 16 күнүгэр, Арассыыйаҕа Аҕа күнүн көрсө, оскуолабыт саалатыгар аҕалар, учууталлар уонна үөрэнээччилэр икки ардыларыгар волейболга күрэх буолан ааста. Күрэх улууспутугар Доруобуйа уонна нэһилиэкпитигэр Эдэр ыччат сылларын чэрчитинэн ыытылынна.
Тыҥааһыннаах киирсии түмүгүнэн кыайыылаах буоллулар «Паапалар» хамаанда — Иванов Д.В., Сивцев А.А., Пахомов С.К., Вензель Г.И., Заровняев М.М. Иккис миэстэҕэ — «Аҕалар» хамаанда — Бережнов Е.Л., Константинов Э.В., Захаров К.Д., Күн Дьөһөгөй Ү.Ө., Гоголев М.П., Яковлев Р.Д. Үһүс миэстэҕэ учууталлар хамаандалара тигистэ уонна төрдүс миэстэ — үөрэнээччилэр.
Кыайыылаахтар мэдээлинэн, Добун суругунан наҕараадаланнылар, аҕаларбытыгар көхтөөх позицияларын иһин оскуола дьаһалтатын аатыттан махтал сурук туттарылынна.
Бэрт сэргэх, тыҥааһыннаах киирсиилэр буоллулар.
Аҕаларбытыгар, учууталларбытыгар, үөрэнээччилэрбитигэр уонна Аҕа түмсүүтүгэр барҕа махталбытын тиэрдэбит! Спорду өрө тутун, өрүү инники күөҥҥэ сылдьыҥ!
«Сайдам» медиакиин, Нарыйаана Күн Дьөһөгөй хаартыскаҕа түһэриитэ, Бэрдьигэстээх, Горнай