Алтынньы 17 күнүгэр, биҺиэхэ К.Д. Уткин аатынан Марха орто оскуолатыгар ыраах Турция сириттэн Мехмет Демиртас ыалдьыттаата. Кинини биир дойдулаахпыт, айанньыт Аман Одун арыаллаан сылдьар.
Мехмет Саха сирин бэйэтин илэ хараҕынан көрүөн, сахалар олохторун укулаатын кытта билсиэн баҕаран бу ыраах айаҥҥа туруммут. Оскуола оҕолорун кытта көрсүбүтүттэн олус дуоҺуйбут.
Тымныы диэбэккэ икки түмэлгэ сылдьан саха дьонун былыргы туттар тэрилин олус сэргээн көрдө. Барытыгар бэйэтин толкуйун этэр, тэҥнээн көрөр, сыаналыыр.
Мехмет улаханнык махтанар: «Маннык күндүтүк көрсүбүккүтүттэн наҺаа долгуйдум», – диир. Оскуола түмэлигэр махталын биллэрэн кэтэ сылдьар чаҺыытын устан бэлэх гынан хаалларда.
Медиацентр «Уткин сонуннара», Мархинская СОШ
Кэскил14.ру