Мин аатым София Трофимова. «Золотая нить» иис куруһуогар сөбүлээн сылдьабын. Куруһуогум салайааччыта Людмила Николаевна иннэнэн, кыптыйынан сэрэхтээхтик туттан таҥаһы кырыйарга, сымнаҕас оонньуурдары тигэргэ үөрэппитэ. Онтон туһаттан тахсыбыт губканы, дискэни таҥаһынан бүрүйэн, кыра сибэккилэринэн, хоруоҥканан киэргэтэн иннэ анньар оҥорбутум. Сибэккилэри кырыйарга быраатым Савва көмөлөспүтэ.
Иис куруһуогар бастакы сылын дьарыктанар үөрэнээччилэр Николаева Айсаана, Аммосова Айыына, Гурьева Алина, Игнатьева Лия, Афанасьева Айыына, Оконешникова Сайаана уонна мин «Бастакы хардыылар» диэн быыстапкабыт буолбута. Быыстапкаҕа Айсаана джинсынан кыра суумканы, Алина сымнаҕас оонньуурдары тикпиттэрин көрдөрбүттэрэ. Быыстапканы эбээм Люба кэлэн көрбүтэ уонна олус үөрбүтэ.
Оҕолор эһиги эмиэ иистэниҥ ийэҕитигэр, эбээҕитигэр бырааһынньыктарга, төрөөбүт күннэргэ бэлэхтээн үөрдүҥ.
София Трофимова, В.Г. Павлов аатынан Сунтаардааҕы алын сүһүөх оскуолатын
3 кылааһын үөрэнээччитэ.
Кэскил14.ру