Олунньу 7 күнүгэр Чурапчы улууһун Сылаҥ нэһилиэгэр Бастыҥнар хамсааһыннарын көҕүлээһининэн үс оскуола кыттыылаах кэс баскет күрэҕэ ыытылынна. Оҕолор эт-хаан өттүнэн сайдалларыгар уонна бэйэлэрин сатабылларын көрдөрөллөрүгэр үчүгэй усулуобуйаны тэрийэрин таһынан, спортивнай өйү-санааны өрө көтөхтө. Кыттааччылар бэлэмнэрэ тургутулунна.
Күрэххэ Семен Дмитревич Флегонтов аатынан Хадаар орто оскуолата, Хайахсыт орто оскуолата уонна Сылаҥ орто оскуолата кыттыыны ыллылар. Күүстээх киирсиилэр күн үгүс дьоҕуру, бэлэми көрдөрдүлэр.
Уолаттар күрэхтэһиилэрэ
Күрэх бастакы дуолугар Хадаар орто оскуолатын уонна Хайахсыт орто оскуолатын уолаттара көрсүһэн, Хайахсыт орто оскуолата 14:7 ахсаанынан эрэллээх кыайыыны сурунна. Оонньуу кыттыылаахтара бары күүстэрин харыстаабакка киирсибиттэрэ хайҕаллаах.
Уолаттарга бастакы миэстэни Сылаҥ орто оскуолата ылан, дьиҥнээх хаһаайын буоларын көрдөрдө. Иккис миэстэҕэ Хайахсыт орто оскуолатын хамаандата, үһүс миэстэҕэ Хадаар орто оскуолатын уолаттара тигистилэр.
Кыргыттар күрэхтэһиилэрэ
Кыргыттарга бастакы оонньууга Хадаар уонна Сылаҥ орто оскуолатын хамаандалара көрсөн, Сылаҥ орто оскуолата ордук бэлэмнээҕин көрдөрөн кыайыыны ситистэ.
Кыргыттарга бастакы миэстэни эмиэ Сылаҥ орто оскуолата ылла, иккис миэстэни Хадаар орто оскуолата ылла. Түмүккэ, успуорт – күүс-күрэх төрдө!
Бу күрэхтэһии өссө төгүл оҕолорго успуорт уонна доруобуйа суолтатын өйдөтөр. Бастыҥнар хамсааһыннара оҕо аймах чэгиэн олоххо тардыһыытын куруук күүһүрдэрин көрдөрдө. Кыайбыт хамаандалары эҕэрдэлиибит, кыттыбыт оҕолорго барыларыгар инникитин ситиһиилэри баҕарабыт!
Аристарх ЛУКИН, Х кылаас,
С.Д.Флегонтов аатынан Хадаар орто оскуолата, Чурапчы