Оскуолабытыгар эбии үөрэхтээһин педагогтарын идэлээх күннэрин бэлиэтиир, Учуутал күнүгэр аналлаах педагогическай декаданы түмүктүүр тэрээһин буолан ааста.
Аксения Васильевна Посельская аатынан Дириҥнээҕи оҕо искусствотын оскуолатын филиалын «Айар дьоҕур кылааһа» үөрүүлээх арыыллыыта буолла.
Кылааска уопсайа алын кылаас 17 үөрэнээччитэ Анна Афанасьевна Романова салалтатынан үөрэниэхтэрэ. Тэрээһин саҕаланыан иннинэ оҕолор бэйэлэрэ ааттаах суумкалары уруһуйдаан саҕалаабыттара.
Үөрүүлээх тэрээһиммитигэр А.В. Посельская аатынан Дириҥнээҕи оҕо искусствотын оскуолатын үҥкүү педагога Валентина Ревовна Новгородова, живопись педагога Туяра Афанасьевна Иванова, нэһилиэкпит аҕа баһылыга Тарас Лукич Тарасов, оскуола коллектива уонна төрөппүттэр, ыалдьыттаан, эҕэрдэ тылларын эттилэр. Кылаас арыллыытын бирикээһин оскуолабыт дириэктэрэ Аида Алексеевна Томская ааҕан иһитиннэрдэ. Ону таһынан алын кылаас 17 үөрэнээччитэ уонна эбии үөрэхтээһин педагога Нарыйаана Федотовна Николаева эҕэрдэ нүөмэрдэрин көрдөрдүлэр.
Оскуолабыт эбии үөрэхтээһин педагогтарыгар оскуола салалтатын ааттыттан эҕэрдэ суруктары, сэмэй бэлэхтэри оҕо саадын “Көмүлүөк” куруһуок салайааччытыгар Татьяна Яковлевна Поисееваҕа,
Надежда Николаевна Поисееваҕа, «Айаара” фольклорнай куруһуок салайааччытыгар Нарыйаана Федотовна Николаеваҕа, «Чэчир» телестудия куруһуок салайааччытыгар Надежда Семеновна Борисоваҕа туттардылар.
Лилия МАРКОВА, IX кылаас,
А.П. Илларионов аатынан Хайахсыт орто оскуолата, Чурапчы