«Сайдыс» ааҕырга «Киинэ күнэ» олус сэргэхтик ааспыта. Бу күн «Карина» диэн сахалыы киинэни көрбүппүт. Киинэни көрөн баран, иитээччибит Надежда Ивановна: «Оҕолор, киинэ туһунан өйтөн суруйуу суруйан аҕалаарыҥ», — диэбитэ.
Аурелия Архипова
Мин кылгас суруйуум маннык: «…Биир сарсыарда дэриэбинэҕэ кыра кыыс, оҕону Карина диэн ааттыыллара, суунан-таҥнан, бэйэтэ сарсыарда бэлэмнэнэн аһаабыта. Ыта Найда диэн. Ыт сүүрэн кэлбитигэр, кыыс ыт оҕотугар килиэби биэрэн аһатта. Эмискэ алҕаска тэриэлкэни алдьаппыта. Алдьаммыт тэриэлкэни көстүбэт гына ыраах уурбута «Эбэм утуйбатым диэн кыыһырыа.» дии санаабыта. Онтон аҕата кэллбитэ. Аҕыйах хонугунан ылыам диэбитэ уонна барбыта. Эбэтэ тэриэлкэтин алдьаппытын билэн, Каринаҕа кыыһырбыта. Эбэтэ кыыһырарын истэн, массыына диэки сүүрэн баран, сүтэн хаалбыта. Онно эһэ суола баара, ону көрөн куоппута. Кини көрбөтөҕө, охтон түспүтэ. Кини ууга былааччыйатын сууммута, үөһэ көрөбүн диэн өрүскэ сирэйинэн түспүтэ. «Халлаантан килиэп түһэр дии саныыгын дуо?» диэн эбэтэ этэрин өйдөөн кэлбитэ. Аһыан баҕарбыта, тыаҕа сылдьан устунан утуйан барбыта. Ардах түһэн, кууркатын капюшонун кэппитэ. Онтон чычаас уулаах сиргэ батыллан хаалан: «Найда, көмөлөс!» диэн ытын оҕотун ыҥырбыта. Онтон өссө улаханнык эппитигэр, Найда көмөлөспүтэ. Муммут Каринаны быыһыыр сулууспа быыһаабыттара.
«Карина» диэн киинэни көрөн баран маннык санааҕа кэлэбин. Олус үчүгэй киинэ. Бу дьиҥ олоххо буолбут түбэлтэ. Киинэ сүрүн геройа – кыра түөрт саастаах кыыс оҕо. Кини тайҕаҕа мунан, умнуллубат уустук сырыыны туоруур. Киинэни көрө олорон, тайҕа тыйыс эйгэтин, айылҕа күүһүн, киһи кыаҕын сөҕө көрөҕүн».
Аурелия Архипова,
3 кылаас үөрэнээччитэ, «Поиск» этэрээт иитиллээччитэ, «Сайдыс» сайыҥҥы сынньалаҥ лааҕыра.
Нам сэл. Нам улууһа.
keskil14.ru