Э.К. Пекарскай аатынан Игидэй орто оскуолатыгар ыам ыйын 26 күнүгэр сахабыт норуотун саҥардан сайыннарыы кэнсиэпсийэтэ төрүттэммитэ 35 сылыгар аналлаах үөрүүлээх тэрээһин ыытылынна.
Күммүт чаҕылыйан, сайыҥҥылыы куйаас буолла. Оскуола олбуора сахалыы таҥныбыт кыраһыабай оҕолорунан, учууталларынан туола тустэ. Үөрэн чаҕылыспыт сирэйдэр, сырдык күннүү мичээрдииллэр. Үөрүүлээх линейканы оскуола директора Андрей Александрович Миронов аста.
Саха тылын уонна литэрэтиирэтин учуутала Ефимова Варвара Константиновна бүгүҥҥү күнү уруйдаан хомус тыаһын бэлэх уунна, бүгүҥҥү мустубут дьоҥҥо барытыгар хомуска хоһуйбутун курдук уйгулаах сайыны баҕарда.
10 кылаас үөрэнээччитэ Ай Куо Аммосова, муусука учуутала Светлана Ильинична Максимова бука барыларын төбүрүөннүү туруоран, оһуохай түһүлгэтин оройуттан туттулар. Астынан-дуоһуйан саха буолан сандаардыбыт, киһи буолан кииллийдибит. Сахабыт кэнсиэпсийэтэ өрүү-сайда турдун.
Варвара Ефимова Дэбдиргэ, Таатта.
Кэскил14.ру