“Сүүс сыллаах улуу былаан” диэн уруһуйунан дьүһүйүү өрөспүүбүлүкэтээҕи күрэҕин биллэрэбит!

Ыытыллар кэмэ: кулун тутар 1 – ыам ыйын 15 күннэрэ.

Кыттааччылар: V-VIII кылаастар – I бөлөх;
IX-XI – II бөлөх;
30 сааһыгар диэри ыччат – III бөлөх.

Сыала:
— П.А. Ойуунускай айымньыларын кытта ыкса билсиһии, үөрэтии, ырытыы, ону бэйэ өйүгэр ойуулаан көрүүтэ, дьон дьүүлүгэр анаан ойуулаан көрдөрүү;
— Оҕо, ыччат литератураҕа уонна искусствоҕа алтыһыыларын көрүү, тургутуу, ойуулуур дьоҕурун толору арыйыы;
— Кэлин бастыҥ үлэлэри быыстапкаларга туттуу.

Балаһыанньата:
— Куонкуруска киирэр үлэ улахан киһи көмөтө суох оҥоһуллара ирдэнэр.
— Уруһуйдар альбом А4 (210х290), А3 (420х580) кээмэйдээх халыҥ лииһигэр сөбүлүүр ньыманан (арыы, акварель, гуашь, тушь, өҥнөөх харандаас, миэл, о.д.а.) толоруллар.
— Күрэххэ кыттааччы төһө баҕарар, ахсааныттан тутулуга суох, үлэни киллэриэн сөп.
— Күрэххэ киирбит үлэ төннүбэт.
— Үс бөлөх кыайыылаахтарыгар I, II, III миэстэлэр, биһирэбил суруктар ананыахтара.
— Күрэх үс түһүмэҕинэн ыытыллар.

Усулуобуйата:
— Сайаапканы уонна үлэлэри бу дьыл кулун тутар 1 – ыам ыйын 1 күннэригэр диэри П.А. Ойуунускай аатынан Саха судаарыстыбаннай литературнай мусуойун электроннай аадырыһыгар ыытаҕыт.
— Сайаапкаҕа кыттааччы оҕо толору аата-суола, төлөпүөнэ, аадырыһа, электроннай почтата, салайааччытын толору аата-суола ыйыллар.
— Оҕо үлэтин кэннигэр тоҕо маннык уруһуйдаабытын, туох тус көрүүлээҕин кылгастык быһааран суруйар.

Сүрүн ирдэбиллэр:
— Күрэх кыайыылаахтарын быһаарыыга уопсай үөрэхтээһин эбэтэр уруһуй анал оскуолаларыттан кыттыбыттара хайаан да учуоттаныа.
— Үлэ ис хоһооно, тиэмэтин арыйыыта, сонуннук таба көрүү (оригинальность), саҥалыы айыы, уус- уран ойуулааһын таһыма, ньымата (техниката) сыаналаныа.

Эбии ыйыылар:
— Күрэх түмүгэ “Кэскил” хаһыакка уонна литературнай мусуой анал саайтыгар sakhalit.com тахсыа.
— Кыттааччыга сертификат, кыайыылахтарга диплом, анал бириис туттарыллаллар.
— Кыайбыт үлэ мусуой быыстапкалыыр саалатыгар көрдөрүүгэ туруоҕа.
Куонкуруска кыттыы төлөбүрдээх: биирдии киһиттэн – 100 солк.
Билсэр төлөпүөннэр: 
8-914-108-17-89, 
8-924-592-06-65.
Аадырыспыт: Дьокуускай к., Октябрьскай уул. 10 №-дээх дьиэтэ.
E-mail:
litmuzei@mail.ru