Ыам ыйын 14 күнүгэр Дьокуускай куоратын 17 нүөмэрдээх орто оскуолатыгар ураты бэлиэ күн ааста. Куорат биир кырдьаҕас биллэр оскуолата бу күнү төһөлөөх күүппүтэ буолуой? Тапталлаах оскуолабыт саҥа куорпуһун бастакы сыбаайатын аһыллыытын СӨ Ил Дархана Айсен Сергеевич Николаев, куораппыт мэра Евгений Григорьев үөрүүлээхтик астылар.
Бу үс этээстээх 275 миэстэлээх саҥа тутуу “Все лучшее детям” диэн федеральнай бырагырааманан “Биир ньыгыл Арассыыйа” баартыйатын көмөтүнэн тутуллар. Бу саҥа тутуу 2027 сыл түмүгэр олоххо киириллэрэ күүтүллэр. Сарсыардаттан оскуолабыт үөрэнээччилэрэ, учууталлара, бэтэрээн үлэһиттэрэ, төрөппүттэрэ олус долгуйа туран тэрээһини көрбүттэрэ-истибиттэрэ. Оскуолабыт 5 «г» кылааһын үөрэнээччилэрэ сахалыы таҥастарын кэтэн кэлбит ыалдьыттары көрсүбүттэрэ. Мустубут дьоҥҥо барыларыгар даҕаны өрө көтөҕүллэн туран, тутуу бастакы сыбаайата умнуллубат түгэнинэн буолла. Тэрээһин торжественнай чааһын кэннэ бары хаартыскаҕа үөрэ-көтө түстүбүт.
Мин, 7 кылаас үөрэнээччитэ, сабыс-саҥа киэҥ оскуолаҕа үөрэнэр кыахтаммыппыттан наһаа дьоллоохпун. Биһиги үөрэнэр оскуолабытыгар төһө даҕаны кыараҕаһын иһин араас интэриэһинэй тэрээһиннэр ыытыллаллар, үөрэнээччилэр араас күрэхтэргэ, олимпиадаларга ситиһиилээхтик кытталлар. Биһиги, 17 оскуола үөрэнээччилэрэ саҥа киэҥ оскуолалаах өссө күүскэ сайдыахпыт диэн эрэллээхпин. 2026 сыл ыам ыйын 14 күнэ төрөөбүт оскуолабыт историятыгар умнуллубаттыы суруллан хаалла.
Ангелина Павлова, Дьокуускай куоратын 17 № орто оскуолатын 7 кылааһын үөрэнээччитэ, “Сайдын” медиакиин юнкора.