Оҕону иитиигэ-сайыннарыыга эбии үөрэхтээһин оруола улахан. Оҕолору үтүөҕэ, кэрэҕэ, сырдыкка, үөрэтэр-такайар 11 куруһуок үлэлиир. Олортон биирдэстэрэ, Протодьяконова Анна Александровна салайааччылаах, «Арт-Ажур» уус куруһуога быйылгыттан үлэтин саҕалаата. Манна уол оҕо эрэ буолбакка, кыыс аймах эмиэ сөбүлээн дьарыктаналлар. Оҕолор лобзигынан оһуордаан-мандардаан араас оҥоһуктары чочуйан таһааралларын киһи кэрэхсии көрөр. Кылгас кэм иһигэр оҕолор саҥа ньыманы баһылааннар, элбэххэ үөрэннилэр. Маны таһынан сакааска араас оҥоһуктары оҥороннор эбии харчы оҥостоллор. Ол курдук, полкалары, аркалары, дьиэ иһин тупсарар араас оҥоһуктары дьон сакаастыыр. Билигин саҥа дьылга оскуолаларын киэргэтэр фотозоналары, харыйа оонньуурдарын оҥоро сылдьаллар.
Оҕолор иллэҥ кэмнэрин туһалаахтык атааран, дьоҕурдарын арыйан сайыннараллар. Куруһуокка үөрэммит сатабылларын салгыы олоххо туһаныахтара диэтэхпитинэ, бука диэн сыыспаппыт боло.
Тен Эльза,VII б кылаас юнкор пост Павловской СОШ «Билим»