Омук быһыытынан уратыбыт
Саха тыла — төрөөбүт тылым. Кинини мин ийэм үүтүн кытта иҥэриммитим.
Төрөөбүт тылбыт алмаас курдук күндү. Наһаа баай, сибэкки арааһын курдук кэрэ дорҕоонноох.
Саха оҕото хайаан да сахалыы саҥарыахтаах. Тыл — омукпут бэлиэтэ, уратыта.
Мин төрөөбүт тылбын наһаа таптыыбын. Сахам тыла куруук баар буолуо диэн эрэнэбин.
Бурцева Снежана.
Ыраастык саҥарыах
Хас биирдии омук бэйэтэ төрөөбүт тыллаах. Мин төрөөбүт тылым, эмиэ атын омуктар курдук, элбэх баайдаах.
Биһиги төрөөбүт тылбытын олус таптыыбыт, харыстыыбыт. Сорох оҕолор саха тылын уонна нуучча тылын бутуйан саҥараллар. Ол сыыһа дии саныыбын. Хас биирдии омук бэйэтин тылынан ыраастык саҥарыахтаах. Атын омук тылын үөрэтэргэ тирэх буолар. Ону өйдөөн, тылбытын сайыннарыахтаахпыт. Ол биһигиттэн улахан тутулуктаах.
Бурцева. Нарыйа.
Тыл баар — омук баар
Тыл суох буоллаҕына, омук да суох буолар. Онон тылбыт сүппэтин туһугар биһиги, оҕолор, билиҥҥиттэн кыһаныахтаахпыт.
Төрөөбүт тылбыт баайын баһылыахтаахпыт. Оччоҕо эрэ саха омук кэлин да баар буолуо.
Онон, оҕолоор, төрөөбүт тылгытын таптааҥ, омукпут кэскилэ биһигиттэн тутулуктааҕын умнумаҥ.
Горохова Вера.
«Саһарҕа»пост эдкордара.
Эҥэ, Дьааҥы