Быйылгы үөрэх дьылыгар Ньурба оройуонун Маар орто оскуолатыгар 94 оҕо үөрэнэр, оскуолабытын 7 оҕо бүтэрэр, билии дойдутун киэҥ эйгэтигэр саҥа аартыктары 5 оҕо арыйар.
Саҥа үөрэх дьылын аhыллыытын бэлиэтээн Российскай Федерация, Саха Сирэ, Ньурба оройуонун былааҕын киллэрдилэр Маар орто оскуолатын выпускниктара Хаарчаана Тобонова, Ефим Гаврильев уонна оскуолабыт туйгун үөрэнээччитэ Гордей Неустроев. Быйылгы үөрэх дьылыгар Ньурба оройуонун оскуолаларыгар үөрүүлээх линейкаҕа оройуон саҥа гимнэ сүрэхтэннэ.
«Түмүк нэһилиэгэ» тыа сирин түөлбэтин баһылыга Егоров Д.Н., оскуола директора Никифоров А.И. үөрэнээччилэри, учууталлары, төрөппүттэри, бастакы кылааска үктэммит кырачаан үөрэнээччилэрбитин саҥа үөрэх дьылынан эҕэрдэлээтилэр. Оскуолабыт профкома Тимофеева З.В. быйыл оскуолаҕа история учууталынан Амматтан үлэлии кэлбит саҥа учууталы Жиркова Кристина Романовнаны, быйылгы үөрэх дьылыгар 45 сылын үлэлиир омук тылын учууталын Васильева Василиса Ивановнаны, 10 сылын үлэлиир оскуолабыт дириэктэрэ Никифоров Артем Ивановиһы, директоры иитэр-үөрэтэр үлэҕэ солбуйааччы Трофимова Анидора Васильевнаны эҕэрдэлээтэ.
Быйылгы үөрэх дьылыгар оскуоланы бүтэрээччилэр үгэскэ кубулуйбут «Самолетик будущего» акцияҕа кыттыһан маҥнайгы кылааска үктэммит кырачаан табаарыстарбытыгар баҕа санааларын көтүттүлэр.
Успуорка үрдүк ситиһиилэрдээх, оскуолабыт 11 кылааһын үөрэнээччитэ Арылхан Андреев уонна маҥнайгы кылааска үктэммит Лорелея Семенова саҥа үөрэх дьылын уруйдаан алтан чуорааны чугдаарда тыаһаттылар.
Билии күнүнэн!
«Юла» медиакиин.
Кэскил14.ру