“Мисс виртуальная уһун суһуох-2017 сыл” куонкурус үөрүүлээх быһыыга-майгыга кыайыылаах кыргыттары эҕэрдэлээһин буолан ааста.
Былыр-былыргыттан кыыс харысхала, дьоло уһун суһуоҕар сытар диэн этии баара. Кыыс оҕо баттаҕар туох баар куһаҕан санаа барыта иҥнэн, иилистэн хаалар буолан, бэйэтигэр дириҥник иҥмэт, баттаҕын суунна эрэ кыыс санаата чэпчиир диэн буолара. Баҕар ол иһин да буолуо, уһун суһуохтаах кыыс оҕону сэргээн, таптаан, сөҕө-махтайа көрөбүт. Чахчыта даҕаны, кэрэ баттахтаах кыыһы көрөр, киһини манньытар, үөрдэр ол иһин бу дьолу дьоҥҥо тиэрдээри, кыыс оҕо уһун суһуоҕун кэрэтин көрдөрөөрү “Чуораанчык” уонна “Колокольчик” сурунааллар быйыл 6-с сылын куонкурус тэрийэн ыыттылар.
Оскуола иннинээҕи саастаах кыргыттарга «Мисс Виртуальная Уhун Суhуох-2017» ааты 6 саастаах Дьокуускай куорат “Золотинка” оҕо саадын иитиллээччитэ Лилия Никулина ылла.
«I Вице-Мисс Виртуальная Уhун Суhуох-2017» ааты 6 саастаах, Дьокуускай куорат “Белочка” уһуйаанын иитиллээччитэ Калерия Жиркова ылла.
Оскуола саастаах кыргыттартан «Мисс Виртуальная Уhун Суhуох-2017» аатын 9 саастаах Дьокуускай куорат 16-с нүөмэрдээх оскуола 3 “б” кылааһын үөрэнээччитэ Кристина Иванова ылла.
«I Вице-Мисс виртуальная Уhун Суhуох-2017» Томпо улууһун Хаандыга орто оскуолатын 2-с “б” кылаас үөрэнээччитэ Чэмэлиинэ Охлопкова ылла.
Бу кыайыылаах кыргыттары дьоһуннаах жюри чилиэннэрэ, «Кэскил» издательство дириэктэрэ Анжелика Андреева, “Арчы дьиэтэ” Духуобунас уонна култуура киинин дириэктэрэ Валентина Бочонина, “Чуораанчык” уонна “Колокольчик” сурунааллар кылаабынай редактордара Татьяна Жиркова, биллэр стилист, визажист Мария Давыдова, “Совершенство” студия фотограба, визажист Даяна Егорова уонна “Уһун суһуох” куонкурус кыайыылааҕа Зинаида Корякина анаан-минээн оллоонноон-олорон хаартыскалары көрөн талбыттара.
Иккис түһүмэххэ, keskil14.ru сайтка ыытыллыбыт аһаҕас куоластааһыҥҥа «II Вице-Мисс Виртуальная уhун суhуох-2017» диэн ааты саамай элбэх куоластаах. Тыҥааһыннаах күрэххэ оскуола иннинээҕи саастаахтарга 1838 куолаһы ылан Дьокуускай куораттан 4 саастаах Дайаана Говорова ылла. Онтон оскуола саатаахтарга 3206 куолаһы ылан Уус-Алдан улууһун, Мүрү орто оскуолатын 3 “б” кылааһын үөрэнээччитэ Лена Готовцева ылла.
Куонкурус кыайыылаахтарыгар Ыччат уонна Дьиэ кэргэн политикатын министерствота, “Драгоценности Якутии” уонна “Көмүлүөк” хампаанньалартан сыаналаах бириистэр туттарылыннылар.
Кэрэ кыргыттар уһун суһуохтарын “Кыһын саха сириттэн саҕаланар” диэн фестиваль чэрчитинэн ыытылынна.