Биһиги, Василена, Айгылаан, Вадим, Юра уонна Ренат буоламмыт, быйыл оскуолабытын бүтэрдибит. «Кустук» студияҕа биэс, сэттэ, тоҕус сыл дьарыктанныбыт. Бу сылларга элбэҕи биллибит, үгүскэ үөрэннибит.
Бастаан саҕалыырбытыгар нэдиэлэҕэ иккитэ киэһээ аҕыс чаастан нэһилиэкпитигэр эфиргэ тахсар этибит. Улахан оҕолор сонуннары, араас репортаж устан эфиргэ бэлэмнииллэрэ, кыралар «Минньигэстик утуйуҥ, кырачааннар» биэриини ыытар этибит. Мин остуол анныгар олорон Жучканы эбэтэр Бөрөчөөнү саҥардар этим. Кэлин ыытааччы буолбутум.
Орто кылааска сонуннары ыытарым. Хаһыакка суруйан саҕалаабытым. Уолаттар оператордыыллара. Ону таһынан устубут видеолары монтажтыыллар, эргэ кассеталары оцифровкалыыллар.
Ити курдук биһиги хаһыакка суруйарга, интервью ыларга, видеону таҥарга , монтажтыырга, хаартыскаҕа түһэрэргэ үөрэммиппит. Ону таһынан салайааччыбыт араас идэлээх дьону кытта көрсүһүннэрэрэ, НВК-ҕа сылдьан өрөспүүбүбүкэ телевидениета хайдах үлэлиирин көрбүппүтүн олүс күндүтүк саныыбыт. Уонна араас таһымнаах — аан дойду , Россия, өрөспүүбүбүкэ күрэхтэригэр кыттан лауреат, дипломант буолбуппут.
Студияҕа сылдьан иҥэриммит сатабылларбыт оскуолаҕа эрэ буолбакка, олохпутугар эмиэ туһалаах буолуохтара.
«Кустук» миэхэ суруналыыстыка үөрүйэхтэрин иҥэрдэ, хамаандаҕа үлэлииргэ, эппиэтинэстээх буоларга, кыһамньылаахтык үлэлииргэ үөрэттэ.
Улахан махталбытын салайааччыбытыгар Нина Николаевнаҕа этэбит. Эһиги биһиэхэ билиини, бэйэҕэ эрэли уонна итэҕэли биэрдигит. Күүскүт-көмөҕүгүт, сүбэҕит, төһөлөөх элбэх сыаналаах үөрэтиигит иһин ис сүрэхтэн махтанабыт.
«Кустук» биһиги сүрэхпитигэр өрүү хаалыаҕа. Хаһан да умнуохпут суоҕа. «Кустук» оҕо сааспыт доҕоро, үтүө аргыһа өрүүтүн биһиги сүрэхпитигэр.
Василена ДМИТРИЕВА, «Кустук» медиа-студия 2026 с. выпускницата,
Кеша Алексеев аатынан Хаптаҕай орто оскуолата, Мэҥэ Хаҥалас