«Аргыта суох чөл олох — дьоллоох оҕо саас тускута» өрөспүүбүлүкэтээҕи куонкурус
БАЛАҺЫАННЬАТА
1. Куонкурус сыала-соруга:
— арыгыта суох чөл олох үтүө өрүттэрин туһунан оҕолорго өйдөтүү;
— суруйар дьоҕурдаах үөрэнээччилэри көҕүлээһин;
— айар үлэ нөҥүө үүнэр көлүөнэ ыччаты чөл олоххо ыҥырыы.
2. Тэрийэр бөлөх
— СӨ Арыгы ырыынагын сүрүннүүр судаарыстыбаннай управлениета;
— “Кэскил” хаһыат эрэдээксийэтэ.
* Тэрийэр бөлөх балаһыанньаҕа уларытыыны киллэрэн биэрэр, куонкурус ыытыллар болдьоҕун уһатар бырааптаах.
3. Ыытыллар болдьоҕо:
3.1. Сайаапкалары, үлэлэри тутуу – балаһыанньа хаһыакка тахсыбыт күнүттэн ыам ыйын 21 күнүгэр диэри.
3.2. Түмүгү таһаарыы – ыам ыйын бүтүүтэ.
3.3. Кыайыылаахтары наҕараадалааһын – бэс ыйын 1 күнэ.
4. Кыттааччылар:
V-XI кылаас үөрэнээччилэрэ.
5. Усулуобуйата
5.1. Өйтөн суруйуу сахалыы эбэтэр нууччалыы буолуон сөп.
5.2. Тиэмэлэрэ (мантан биири талан):
— “Арыгыта суох чөл олох – ситиһии төрдө”;
— “Чөл олох дьиэ кэргэнтэн саҕаланар”;
— “Арыгы алдьатара элбэх, биэрэрэ бэрт аҕыйах”;
— “Арыгылааһын сиэртибэлэрэ диэн кимнээҕий?”;
— “Чөл олох аныгы үйэ ирдэбилэ дуо?”;
— “Арыгы – барыбыт алдьархайа”;
— “Удьуордааһын арыгыны утарар”.
5.3. Кыттааччылар “Кэскил” эбэтэр “Юность Севера” хаһыаттарга хайаан да суруйтарбыт буолуохтаахтар, квитанцияларын куоппуйатын үлэлэрин кытта уган ыыталлар.
5.4. Кыттааччы үлэтин, анкетатын эрэдээксийэҕэ эбэтэр aksenof2017@mail.ru электроннай почтаҕа “Куонкуруска” диэн тиэмэлээн ыытар. “Кэскил” хаһыат аадырыһа: Дьокуускай к., Орджоникидзе уул. 31-рэ, Бэчээт дьиэтэ, 205-с хос. Билсэр төлөпүөн: 42-07-91 (эпп. Айыына Ивановна Ксенофонтова).
5.5. Биһирэммит суруйуулар хаһыакка бэчээттэниэхтэрэ.
5.6. Куонкуруска киирбит үлэлэр төннөрүллүбэттэр.
6. Үлэҕэ ирдэбиллэр:
— тиэмэни толору арыйыы;
— тыла-өһө хомоҕой, литературнай нуормаҕа эппиэттиир буолуохтаах;
— суруйуу иитэр-үөрэтэр суолталаах, ис хоһооно үүнэр көлүөнэни үтүөҕэ, кэрэҕэ сирдиэхтээх, арыгы куһаҕанын өйдөтүөхтээх;
— арыгылааһын содулларын көрдөрүөхтээх;
— ааҕааччыга чөл олох ситиһии төрдө буоларын итэҕэтиэхтээх;
— ааптар проблеманы сытыытык туруоруута, санаатын толору этиитэ үрдүктүк сыаналанар;
— үөрэнээччи билиитэ- көрүүтэ, ырытар дьоҕура болҕомтоҕо ууруллар;
— баар чахчыларга тирэҕирии, биллэр-көстөр дьон этиитин холобурдааһын, үлэ тиэмэтигэр сөптөөх хаартыска эбэтэр уруһуй баара биһирэнэр.
7. Түмүгү таһаарыы
7.1. Кыайыылаахтары Дьүүллүүр сүбэ быһаарар.
7.2. Сахалыы уонна нууччалыы өйтөн суруйуулар тус-туһунан сыаналаналлар.
7.3. Куонкурус түмүгүнэн I, II, III миэстэ кыайыылаахтара баар буолаллар, уопсайа алта бириис олохтонор.
8. Наҕараадалааһын
8.1. Кыайыылаахтар сыаналаах бириистэринэн, грамотанан наҕараадаланаллар.
8.2. Хас биирдии кыттааччыга туоһу сурук туттарыллар.
КЫТТААЧЧЫ АНКЕТАТА
1. Араспаанньата, аата, аҕатын аата.
2. Үлэ аата.
3. Оскуолата, кылааһа.
4. Салайааччыта.
5. Аадырыһа.
6. Төлөпүөнэ, электроннай почтата.