Муус устар 17 күнүгэр оскуолабытыгар «Мин коллекциям» диэн тэрээһин буолан ааста. Бу тэрээһини нэһилиэкпит «Эгэлгэ» коллекционердарын түмсүүтэ тэрийэн ыытта. Манна оҕолор араас коллекцияларын көрдөрдүлэр. Кып-кыра «Киндер-сюрприз» оонньуурдара, араас значоктар, сакалааттар суулара, араас дойдулар, куораттар тустарынан магниттар, сымнаҕас оонньуур арааһа бааллар.Биһиги кылаастан түөрт буолан кытынныбыт. Захаров Марк уонна Пахомов Максим өрүс араас быһыылаах, үүттээх таастарын мунньубуттарын элбэх оҕо интэриэһиргээтэ. Устинов Сандал значоктарын, Макаров Тимур ручкаларын аҕалан көрдөрдүлэр.Оҕолор араас интэриэстээхтэрин көрөн, саҥаны билэн олус туһалаах күн буолла.
П.И.Яковлев аатынан Амма Наахара орто оскуолатын 3 кылааһын үөрэнээччилэрэ, Амма улууһа.