Степан Кузьмич Макаров аатынан гимназия оҕолоро «Оскуола инициативатын бүддьүөтэ» күрэххэ кыттан саҥа суоллары, саҥа саҕахтары арыйаллар. Биһиги «Оскуола инициативатын бүддьүөтэ» куонкуруска кыттарга холонобут.
«Гимназия Республиката» оҕо хамсааһынын актыбыыстара уонна «Тумус кыһа» медиа-киин оҕолоро буоламмыт эмиэ кыттарга быһаарынныбыт. Билиҥҥи үйэҕэ оскуола үөрэнээччитэ бэйэтин олоҕун тупсарар, саҥаны киллэрэр баҕалаах, көхтөөх, эппиэтинэстээх ыччат буоларыгар тиэрдэр кэскиллээх күрэххэ кыттарга быһаарынаммыт ураты бырайыагы толкуйдаатыбыт. Бырайыакпыт оскуола олоҕо, оҕолор сайдалларыгар аналлаах.
Санаабытын чопчу арыйан, хамыыһыйа уонна уопсай оскуола иннигэр көмүскээтиби, бырайыакпытын билиһиннэрдибит. Уопсай мунньахха Степан Кузьмич Макаров аатынан гимназия оҕолоро, учууталлара бары көхтөөхтүк кытыннылар, кинилэр биһиги бырайыакпытын өйүүр туһунан сөбүлэҥнэрин биэрдилэр.
Онон салгыы бырайыакпытынан өрөспүүбүлүкэтээҕи улахан куонкуруска гимназия аатыттан кыттар чиэскэ тигистибит. Олус долгутуулаах. Биһиги бырайыакпытын сэҥээрбиттэригэр учууталларбытыгар, доҕотторбутугар махтанабыт.
Күрэххэ ситиһиилээхтик кыттан, санаабыппыт сатанан, толкуйдаабыппыт тобуллан, бырайыакпыт олоххо киириэҕэ диэн эрэнэбит.
Бу курдук, кэскиллээх суолу таба тайанан, көхтөөх олоҕу талан, сайдыыга эрэллээхтик хардыылыыбыт.
Кристина МИХАЙЛОВА, Винея БАРАШКОВА, Х кылаас,
«Тумус кыһа» медиа-киин, С.К. Макаров аатынан Чурапчы гимназията