Бүгүн, муус устар 14 күнүгэр, биһиги «Сосновый бор» лааҕыр «Расскажи о главном» смена юнкордара Өрөспүүбүлүкэтээҕи национальнай библиотекаҕа баран кэллибит. Хамаанданан үлэлии сылдьар тиэмэлэрбитинэн (Зарница, МИИ, Олоҥхо) «Бэлэм буол», «Кэскил», «Юность Севера» архивтарын, араас сылларага бэчээттэнэн тахсыбыт хаһыат подшивкаларын көрбүппүт. Биһиги хамаанда Олоҥхо уонна Олоҥхо ыһыаҕын туһунан ыстатыйалары «Кэскил» хаһыакка көрдөөбүппүт.
Биһиги 2006 сылтан саҕалаан 2010 диэри «Кэскил» хаһыат подшивкатынан үлэлээбиппит. Олоҥхоҕо уонна Олоҥхо ыһыаҕар сибээстээх ыстатыйалары көрдөөбүппүт. 2008 сыллаахха Таатта улууһугар ыытыллыбыт Олоҥхо ыһыаҕын туһуһнан улахан матырыйаал тахсыбытын сэргээн көрбүппүт. Уус-Алдаҥа буолбут Олоҥхо ыһыаҕын кэмигэр 2009 сыллаахха Кэскилгэ «Олоҥхо ыһыаҕар» диэн ыстатыйа тахсыбытын булбуппут. Айыына Сыроватская Мүрү 2-дээх оскуолатын 3 кылааһын үөрэнээччитэ, Аня Стрекаловская саха национальнай гимназиятын үөрэнээччитэ, Замира Берёзкина, Баатаҕай орто оскуолатын үөрэнээччитэ интервью биэрбиттэрин интэриэһиргээн аахтыбыт.
Биһиги санаабытыгар библиотека — кинигэ харайар эрэ сир буолбатах. Урут уруккуттан мунньуллубут билиини уонна историяны кытта көрсүһэр сирбит. Киһи бэйэтин ааҕар интэриэһин сайыннарарыгар саамай наадалаах сир буолар. Тоҕо диэтэххэ, кинигэ – киһи өйүн-санаатын дириҥэтэр, олоҕу көрүүтүн улаатыннарар сүдү күүс.
Оконешникова Виолетта, 8 кылаас,
Сыроватская Карина, 7 кылаас,
Кэбээйи орто оскуолата