Ол курдук, Саха сирин былааҕа 1992 сыллаахха алтынньы 14 күнүгэр 1158-XII нүөмэрдээх Ыйааҕынан бигэргэммитэ уонна Саха Өрөспүүбүлүкэтин Үрдүкү Сэбиэтин дьиэтин үрдүгэр Арассыыйа Федерациятын былааҕын кытта сэргэстэһэ күөрэйбитэ.
Саха Өрөспүүбүлүкэтин былааҕа түөрт тэҥ сытыары дьураа ойуулардаах, сырдык халлаан күөх, маҥан, кыһыл уонна от күөх. Күөх халлааны уонна күнү кытта маҥан сурааһын дьүөрэлэспитэ хоту дойду тыйыс айылҕатын кэрэ көстүүтүн, кинилэр майгылара сиэрдээх олохторо ырааһын көрдөрөр. От күөх өҥ – Саха сирин күөх сайына, үүнүү-сайдыы, барҕарыы, доҕордоһуу бэлиэтэ буолар. Кыһыл өҥ – ийэ дойдуга бэриниилээх буолуу, олоххо тардыһыы күүһүн кэрэһитэ.
Саха былааҕын бырайыагын ааптардара Айина Захарова, Людмила Слепцова, Михаил Старостин буолаллар.
Кэскил14.ру