Д.П. Коркин аатынан Чурапчытааҕы спортивнай интернат-оскуолаҕа «Боотур Уус удьуордара» квест-оонньуу буолан ааста. Онно X кылаастар көхтөөх кыттыыны ыллыбыт.
Квест-оонньуу уопсайа алта түһүмэхтээх буолла. Манна үөрэххэ сыһыаннаах тохтобулу таһынан спортка анаммыт тохтобул эмиэ баара. Биһиги олус сэҥээрэн, кыайардыы ылсан оонньоотубут.
И.М. Павлов аатынан 2 №-дээх Чурапчы орто оскуолатыттан, С.К. Макаров аатынан Чурапчы гимназиятыттан уонна Д.П. Коркин аатынан спортивнай интернат-оскуолатыттан барыта 30 үөрэнээччи кыттыыны ылла.
Барыбытын холбоон биэс хамаандаҕа араарбыттара. Оонньуу түмүгэр хамаандаларга өйдөбүнньүк бириис туттардылар. Кэлбит оҕолор бары үөрэн-көтөн, билсэн-көрсөн, саҥа доҕоттордонон бириэмэбитин олус туһалаахтык атаардыбыт.
Хас биирдии оскуолаҕа маннык сонун квест-оонньуулары ыытыахха наада эбит дии санаатым.
Наташа МАКАРОВА, Х кылаас, С.К. Макаров аатынан Чурапчы гимназията.