Олунньу 10 күнүгэр Аҕа Дойдуну көмүскээччилэр күннэрин көрсө Аҕа дойду сэриитин кыттыылаахтарын уонна тыыл ветераннарын кубогын ылар иһин саахымакка хамаанданан бастыыр иһин улуустааҕы күрэх буолан ааста.
Барыта 7 оскуолаттан биэстии оҕолоох 8 хамаанда кытынна.
Биһиги оскуолабыт хамаандатыгар Прокопьев Гаврил, Попов Рудольф, Сидоров Дьулустаан, Александрова Сахалина, Федорова Сулустаана киирэн үчүгэй эрийсиилээх оонньуулары көрдөрөн, кэннилэригэр алта хамаанданы хаалларан 2-с бочуоттаах миэстэни ылары ситистилэр. Бастаабыт лицей хамаандатыттан биир эрэ баалынан хааллылар.
Кыайбыт хамаанда ветераннар кубоктарын тутта, онтон биһиги оҕолорбут грамотанан, мэтээлинэн уонна кинигэнэн наҕараадаланнылар.
«Кустук» пресс-киин,
Күүкэй, Сунтаар