Сунтаар улууһун А.А. Иванов-Күндэ аатынан Кутана орто оскуолатын 11 кылааһын үөрэнээччитэ ВИНОКУРОВ АЙААН быйылгы Ил Дархан Харыйатыгар барар үрдүк чиэскэ тигистэ.
Айаан олох кыра сааһыттан тыа сирин оҕотун үлэҕэ сатабылын барытын иҥэриммитэ. Сыл аайы илиинэн да, тиэхиникэнэн да оттуур, дьиэ хаһаайыстыбатыгар барытыгар сыстаҕас. Айаан сатаабатаҕа суох диэх курдук. Дьонноругар, убайыгар тирэх, күүс-көмө буолан абырыыр.
Спортсмен бэрдэ, кинитэ суох спортивнай күрэхтэһиилэр ааспаттар. Эдэр артыыс «Алыптаах мааска» улуустааҕы куонкуруһугар бастыҥ толорооччу ааты ылбыта. Фольклор ансаамбылын бастыҥ үҥкүүһүтэ.
НПК- ларга ситиһиилээхтик кыттар. Оскуола бастыҥ лидердэриттэн биирдэстэрэ.
Кутана кыымнара пресс-киин эдкордара