С.Р. Кулачиков-Эллэй аатынан Чычымах орто оскуолатын 11 кылааһын үөрэнээччилэрэ аҕам саастаах дьоҥҥо куруук күүс-көмө, өйөбүл буолаллар.
Бу күннэргэ оҕолор икки ыалга көмөлөстүлэр. Бэтэрээн учуутал Владимир Иннокентьевич Михайловка дьиэтин тула кунус буорун куттулар.
Үйэтин тухары Сэбиэт, дьаһалта сэкэритээринэн үлэлээбит Мария Николаевна Беркинаҕа мас саһааннаатылар.
Бу көхтөөх көмөнү кылаас салайааччыта Ольга Чурукова иилээтэ-саҕалаата. Оҕолор дьоҥҥо көмөлөһөн, кинилэр махталларын истэн сүргэлэрэ көтөҕүлүннэ.
Валентина КРИВОШАПКИНА.