Ил Дархан Айсен Николаев Бүтүн Арассыыйатааҕы «Баҕа санаа харыйата» аһымал аахсыйатыгар кыттыыны ылла.
Ол курдук кини Амма оскуолатын үөрэнээччитэ Нелли Попова баҕа санаатын толорон ноутбук бэлэхтээтэ уонна бүгүҥҥү Саҥа дьыллааҕы харыйаҕа туттарда.
«Баҕа санаа харыйата» – диэн доруобуйаларынан хааччахтаах оҕолор уонна кырдьаҕас дьон баҕа санааларын толорор сыаллаах аахсыйа. Аахсыйа үлэтин тухары 21 450 баҕа санаа туолбут.