Быйыл Үөһээ Бүлүү улууһун Далыр орто оскуолатыгар сүрдээх үчүгэй саҥа бырайыак арылынна. «Точка роста» диэн цифровой уонна гуманитарнай үөрэх өттүнэн саҥа кабинеттарга «Технология» «Информатика» уонна «ОБЖ» предметтэринэн оҕолорго саҥа аныгы технологиялары үөрэтэллэригэр, сайдалларыгар оҥоһулунна.
Ол курдук 3D-моделированиялары, 3D-печать, робототехниканы, программированияны, квадрокоптеры сатыырга уонна да атын технологиялары үөрэтэллэр. Центр арыллыытыгар Үөһээ Бүлүү үөрэҕириитин управлениятын начальнига Спиридон Олегович Борбуев, Николаев Василий Петрович «Технопарк» дириэктэрэ, «Далыр нэһилиэгэ» МТ сүрүн специалиһа Татьяна Сергеевна Тарасова, «Тускул» оҕо саадын сэбиэдиссэйэ Михайлова Феодосия Владимировна, «Далыр нэһилиэгэ» МТ олохтоох бэйэни салайыыны депутата Аксаков Анатолий Софронович, Далыр орто оскуолатын төрөпппүт комитетын бэрэссэдээтэлэ Алексеева Людмила Илларионовна кэлэн кыттыыны ыллылар.
Тэрийээччилэр мунаарбыт, боппуруостаах дьоҥҥо сиһилии кэпсээн-ипсээн, туох-хайдах буоларын быһааран биэрдилэр. «Точка роста» учууталлара: салайааччы Лазарева П.М., ОБЖ учуутала Семенов Е.И., информатика учуутала Акимов А.В.
Саҥа, аныгы үөрэх көрүнүн аартыгар киирэн оҕолор наһаа үөрдүлэр. Мантал ыла үөрэтэн бардахтарына сатабыллара элбиир, билиилэрэ-көрүүлэрэ кэҥиир, сайдар. Бу билигин аныгы технология үйэтигэр олус наадалаах дии саныыбын.
«Далыр кыымнара» корпост юнкора Илларионова Сахалина, 11 кылаас үөрэнээччитэ.