Төрөппүт кылаас тэрээһиннэригэр, иитии үлэтигэр көмөлөһөр, хаһаайыстыбаннай боппуруостары быһаарсар эбээһинэстээх.
Алтынньы 21 күнүгэр кылаас аайыттан талыллыбыт үс киһиттэн састааптаах төрөппүттэр түмсүүлэрин бастакы сүбэ мунньаҕа ыытылынна.
Мунньахха кэлбит төрөппүттэр бастаан АБДь-га ыытыллыахтаах маскировочнай сиэккэни оҥорорго көмөлөстүлэр. Онтон оскуола музейыгар сырыттылар. Валентина Захаровна Иванова музей матырыйаалларын көрдөрөн сиһилии кэпсээтэ.
Салгыы төрөппүттэргэ остолобуойга үөрэнээччилэр итии аһылыктара хайдах тэриллэрин туһунан асчыт Ася Варламовна Андреева билиһиннэрдэ.
Психолог Александра Иннокентьевна Санникова төрөппүттэр түмсүүлэригэр билсиһии-оонньууну уонна «Колесо жизненного баланса» тренинг ыытта.
«Радуга» оҕо тэрилтэтин салайааччыта Наталья Матвеевна Степанова «Төрөппүттэр көҕүлээһиннэринэн киинэ» өрөспүүбүлүкэтээҕи тэрилтэ үлэтин сырдатта.
Түмүккэ төрөппүттэр оҕону үөрэтиигэ-иитиигэ кылаас салайааччытын кытта биир сыалы-соругу тутуһан үлэлииргэ, тэрээһиннэри, бырааһынньыктары ыытыыга, экскурсиялары тэрийэргэ көмөлөһөргө сүбэлэстилэр.
Айыына Петрова, 10 кылаас,
Дарина Тарасова, 6 кылаас, «Эрчим» медиакиин, Дүллүкү, Үөһээ Бүлүү