Ыам ыйын 30 күнүгэр Н.И. Шарин аатын сүгэр Орто Халыматааҕы орто оскуолаҕа үөрэх сыла Оҕо ыһыаҕынан түмүктэннэ.
Ыһыах Аан Алахчын Хотуҥҥа сүгүрүйүү сиэринэн салама баайыыттан уонна оскуола учууталларын, үлэһиттэрин эҕэрдэ үҥкүүлэринэн саҕаланна.
Ыһыах күн, үгэс быһыытынан, төрөппүттэр кыттыыларынан «Бастыҥ түһүлгэ» куонкурус ыытылынна. Кыргыттарга, уолаттарга туһунан «Саха талба таҥаһа» буолла. Уһун суһуохтаах кыыс оҕолор «Толбоннурар уһун суһуох», уолаттар «Өбүгэ оонньуулара» күрэстэргэ кытыннылар.
Салама ыйаан, ыллаан-туойан, хомус охсон, оһуокайдаан Ыһыахпыт бэрт сэргэхтик, өрө көтөҕүүлээхтик ааста.
Күммүт да туран биэрдэ,былыттар быысыһан иһэн, оҕолор оһуокайдаабыттарыгар, саҕахха кыйданан, күннээх халлаан биһигиниин тэҥҥэ үөрдэ-көттө.
Саргылана Кокорина, Орто-Халыма к.
Кэскил14.ру