Таатта улууһун Уолба оскуолатын үөрэнээччилэрэ «Оскуола инициативатын бүддьүөтэ» куонкуруска кыттаары бэлэмнэнэ сылдьабыт. Оҕолор бэйэлэрин идиэйэлэрин түмэн оскуола олоҕун хайдах тупсарар туҺунан элбэх толкуйу оҥордулар. Ким эрэ спорт площадкатын хаҥатыахха диир, оттон атыттар аныгы билиини иҥэринэр робототехника, дрон, сынньалаҥ сирин оҥоруохха диэн туруорсаллар.
Оҕолор бэйэлэрэ бырайыак суруйан, анал хамыыһыйа уонна уопсай оскуола иннигэр көмүскээтилэр. Оҕолор бары санааларын чопчу эттилэр, бырайыактарын туһатын быһаардылар.
Куоластааһын туһунан
Бырайыактары көмүскээһин кэнниттэн, оскуолаҕа үөрэнээччилэр икки ардыларыгар анал куоластааһын ыытылынна. Бу — оҕо бэйэтин куолаһа тугу эмэни быһаарарын билэригэр улахан суолталаах түгэн. Уолба оҕолоро бары көхтөөхтүк кытыннылар, бэйэлэрин сөбүлээбит бырайыактарын өйөөтүлэр. Куоластааһын түмүгүнэн саамай элбэх куолаһы ылбыт, бастыҥ бырайыак талылынна. Билигин бу бырайыак «Оскуола инициативнай бүддьүөтэ» республика иһинэн ыытыллар улахан куонкуруска Уолбабыт оскуолатын аатыттан кыттыаҕа.
Түмүк тыл
Оскуола дириэктэрэ уонна учууталлар бэлиэтииллэринэн, бу үлэ оҕолорго эппиэтинэстээх буолууну, салайар дьоҕуру уонна бэйэ санаатын чопчу этэр үөрүйэҕи иҥэрэр. Оҕо бэйэтин идиэйэтин олоххо киллэрэр кыахтааҕын билии — кини инники сайдыытыгар улахан тирэх буолар. Куонкуруска кыайан хааларбыт буоллар оонньуу нөҥүө сайдыыга, күрэстэргэ кыттан кыайыыга тиксиэхпит этэ дии саныыбыт.
Алена ТАППЫРОВА, Уолба, 8 кылаас үөрэнээччитэ.
Кэскил14.ру