Киһи аймахха оччолорго улахан сайдыы чыпчаала буолбут Юрий Гагарин космоска көппүтүн 65 сылын бэлиэтиир улахан тэрээһиннэр дойду үрдүнэн бара тураллар.Н.Е.Мординов-Амма Аччыгыйын аатынан Харбалаахтааҕы үөрэхтээһин холбоһуга бу тэрээһиннэргэ көхтөөхтүк кытынныбыт.
“Бастакылар хамсааһыннара” оҕолор, ыччат уопсастыбаннай-судаарыстыбаннай хамсааһыннара тэрийбит космическай дьыктааныгар 1 кылаастан саҕалаан 11 диэри бары кытынныбыт.
Бу дьыктааны суруйа олорон космонавтика устуоруйатын барытын ахтан-санаан аастыбыт, сорох билбэт түгэннэрбитин кэпсээтилэр.
Наука сайдыытын чыпчаала буолбут космоһы баһылааһын туһунан элбэҕи билэн-көрөн, туох эрэ саҥаны арыйбыт киһи диэн ыра санаалаах тарҕастыбыт. Кылаас чаастарыгар сахалар космоһы баһылааһыҥҥа кыттыыларын туһунан элбэҕи билбиппит. Саха киһитэ Юрий Гагарин космостан ыыппыт сигналын бастакынан туппутун туһунан истэн, үөрбүппүт аҕай. Юрий Гагарин төрөөбүт тиэргэнигэр М.Е Николаев көҕүлээһининэн ийэтигэр өйдөбүнньүк туруоруллубутун киэн тутта истибиппит.Бу тэрээһиннэртэн хас биирдиибит саҥаҕа, сайдыыга тардыһыыта үрдээтэ!
Тася Андреева, IX кылаас, Харбалаах, Таатта