Бүгүн, атырдьах ыйын 13 күнүгэр, биһиэхэ, «Энергетик» лааҕырга, «Кэскил» оҕо бэчээтин кыһатын худуоһунньуктара Надежда Анатольевна уонна Анна Анатольевна анимацияны хайдах оҥорорго маастар-кылаас ыыттылар.
Анимация диэн араас утуу-субуу турар ойуулартан турар хамсааһын иллюзиятын көрдөрөр көстүү. Худуоһунньуктар биһиэхэ ханна уонна туохха анимацияны тутталларын, анимация араас көрүҥүн туһунан кэпсээтилэр. Биһиги төрүччүбүт туһунан кэпсиир видеобытыгар анимацияны хайдах киллэриэхтээхпитин сүбэлээтилэр.
Ону тэҥэ Надежда Анатольевна уонна Анна Анатольевна оҕолор интэриэһиргиир ыйытыктарыгар эппиэттээтилэр:
- Үлэлэргитин хайдах тарҕатаҕытый?
- Анимация хабаатыннаран төһө сыаналаах буоларый?
- Бу курдук уруһуйдуурга төһө өр үөрэммиккитий?
Анна Анатольевна:
Төһө даҕаны улуу талааннаах буол, 95% син биир бэйэҥ баҕаҕыттан, дьулуургуттан тутулуктаах.
Маастар-кылаас бүтүүтэ оҕолор бары кылгас анимационнай роликтаах таҕыстыбыт. Надежда Анатольевнаҕа уонна Анна Анатольевнаҕа маастар-кылаас ыыппыттарын иһин барҕа махталбытын биллэрэбит.
Суруйда Ганна Алексеева, Хомустаах сүрүн оскуолата, Үөһээ Бүлүү улууһа
Хаартыскаҕа түһэрдэ Святослав Барабанов, Нам 1-кы нүөмэрдээх орто оскуолата, Нам улууһа
keskil14.ru