Кулун тутар 24 күнэ — Аан дойдуга сэллиги кытары охсуһар күн. Ол чэрчитинэн кулун тутар 18 күнүгэр А.В. Чугунов аатынан Мэлдьэхси орто оскуолатыгар Майатааҕы киин балыыһа Ф.П. Пивоварова аатынан сэллиги утары охсуһар диспансера «Белая ромашка» профилактическай тэрээһин ыытта.
Диспансер үлэһиттэрэ оҕолорго сэллик ыарыы туһунан,хайдах сыстарын кэпсээтилэр, үөрэттилэр.
«Белая ромашка» акция чэрчитинэн алын кылаас оҕолоругар биирдиилээн уруһуй, 5-10 кылаастар икки ардыларыгар кылааһынан ыҥырыы-плакат уруһуйдааһыҥҥа күрэхтэр ыытылыннылар. Ону таһынан 8-11 кылаас оҕолоругар «Белая ромашка» викторина ыытылынна.
Алын кылаас оҕолоругар уруһуй түмүгүнэн:
1 миэстэни — 4 кылаас үөрэнээччитэ Михайлова Эвелина;
2 миэстэни — 1 кылаас үөрэнээччитэ Михайлова Вилена;
3 миэстэни — 1 кылаас үөрэнээччитэ Сыромятникова Инесса.
5-10 кылаас үөрэнээччилэригэр хаһыат күрэҕэр:
1 миэстэни — 7 кылаас коллектива (салайааччы Игнатьева Т.А.);
2 миэстэни — 10 кылаас коллектива (салайааччы Иванова О.С.);
3 миэстэни — 9 кылаас коллектива (салайааччы Баишева Л.К.).
Викторина түмүгүнэн:
1 миэстэ — 11 кылаас коллектива ( салайааччы Плотникова С.К);
2 миэстэ — 10 кылаас коллектива ( салайааччы Иванова О.С);
3 миэстэ — 9 кылаас коллектива (салайааччы Баишева Л.К).
Викторинаҕа бастакы миэстэни ылбыт 11 кылаас коллективыгар проектор бэлэх туттарылынна.
Оҕолор үөрэн-астынан, сэллик ыарыы туһунан элбэҕи билэн, саҥаҕа үөрэнэн тарҕастылар.
Арылхан Сокольников, 7 кылаас үөрэнээччитэ, “Үктэл” юнкорпост.