Олунньу 10 күнүгэр Таатта улууһун Уус Амма нэһилиэгэр Саха өрөспүүбүлүкэтин ситэриилээх былааһын 2024 сыллааҕы үлэтин отчуота буолан ааста. Отчуоттуур мунньаҕы Саха Өрөспүүбүлүкэтин үөрэҕин уонна билимин миниистэрэ Нюргуна Афанасьевна Соколова салайан кэллэ.
Нэһилиэк сытыытык турар ыйытыыта Г.Д.Бястинов-Бэс Дьарааһын аатынан Чымынаайы орто оскуолатын тутуу буолла. Чымынаайы орто оскуолата хаарбах туруктаах буолан сабыллан, билигин 4 сиринэн үөрэнэр-үлэлиир уустугун эттилэр, саҥа оскуола тутулла охсорун курдук туруорустулар.
Биһиги үөрэх миниистэриттэн ыйытыы биэрбиппитин видеоҕа көрүөххүтүн сөп:
Өрөспүүбүлүкэ норуотун дьокутаата Виктор Николаевич Лебедев биһиэхэ, кэлэр кэнчээри ыччакка: «Үчүгэй үөрэнин, төрүт үгэстэргитин умнубакка тутуһун, төрөппүттэргитин, чугас дьоммутун убаастаан, Саха сирин ааттатар дьоһун дьон буола улаатын»-диэн баҕа санаатын эттэ.
Түмүгэр нэһилиэк олохтоохторо Өрөспүүбүлүкэ бырабыытылыстыбатын 2024 с. ыыппыт үлэтин сөптөөҕүнэн сыаналаатылар.
Саргылаана Нестерова 5 кылаас,
Сандаара Толстякова 6 кылаас
Г.Д. Бястинов-Бэс Дьарааһын аатынан
Чымынаайы орто оскуолатын юнкордара,
Таатта