Дьиэ кэргэн - олох төрдө

Платоновтар педагогическай династиялара

13.05.2024 11:50

Биһиги нэһилиэкпит олохтоохторо Платоновтар диэн учууталлар династияларын туһунан билиһиннэриэхпин баҕарабым. Билигин бочуоттаах сынньалаҥҥа олорор Россия үөрэҕириитин туйгуна, Саха өрөспүүбүлүкэтин бочуоттаах бэтэрээнэ, «Учууталлар учууталлара» бэлиэлээх Ригоретта Романовна Платоновалыын кэпсэттим.

— Ригоретта Романовна, учуутал идэтин тоҕо таларга санаммыккытый?

— Оскуолаҕа сылдьан ханнык идэни таларбар буккуллар этим. Эмиэ да агроном, эмиэ да биолог идэлээх буолуохпун баҕарар этим. Онтон 1964 сыллаахха Хачыкаат 8 кылаастаах оскуолатын бүтэрэн, Дьокуускайдааҕы педагогическай училищеҕа киирбитим.

— Эһиги династияҕыт кимтэн саҕаланарый?

—Династиябыт аҕабыт Платонов Роман Васильевичтан саҕаланар. Кини 1909 с. Арҕаа Хаҥалас улууһугар, Хачыкаат нэһилиэгэр төрөөбүтэ. С.П.Барашков арыйбыт оскуолатыгар, онтон Ороссолуодаҕа үөрэммитэ. Педагогическай училищены бүтэрэн, учуутал идэтин 1930 сылтан саҕалаабыта, ол кэмҥэ бүттүүн үөрэхтээһин саҕаламмыта. Кини учууталынан, дириэктэринэн араас оскуолаҕа үлэлээбитэ. Аҕа дойду Улуу сэриитин кыттыылааҕа, тыыл, үлэ бэтэрээнэ буолар. Аҕам педстаһа – 41 сыл.

— Аҕаҥ курдук учуутал буолбуккун эбит.

— Аҕам туйаҕын хатаран, учуутал идэтин талбыт эбиппин. Аҕам миэхэ учуутал бастыҥ холобура буолара.

Кини элэккэй, аламаҕай майгылааҕа, дьону түмэр дьоҕурдааҕа. Олохтоохтор ат сүүрдүүтүн тэрийэрин, комментарийдыырын санааччылар. Кыайыы күнүн тэрийэригэр, пааматынньык таһыгар пионер сбора, бэтэрээннэри чиэстээһин, спортивнай оонньуу, күрэх буолар этэ. Бырааһынньыкка, ыһыахха оһуокай тылын этэрин сөбүлүүрэ. Музыкальнай инструменнарга оонньуура, переменаҕа оҕолорго музыкальнай оонньууну, үҥкүүнү тэрийэрэ. Хабылык, хаамыска оонньоторо. Элбэх киһини саахымакка оонньуурга үөрэппитэ. Сельсовет депутатынан, табаарыстыы суут, избирком председателинэн үлэлээбитэ.

— Платоновтар династияларын туһунан сырдатыаҥ дуо?

— Уопсай педагогическай стажпыт 377 сыл буолар. Манна аҕам оҕолоро, сиэннэрэ, хос сиэннэрэ, балтылара киирдилэр.

Кинилэр араас бэридимиэт учууталларынан үлэлии-хамсыы сылдьаллар. Биһиги династиябыт Кыһыл Үрүйэ оскуолатыгар алын кылаас, эбии үөрэхтээһин үлэһиттэригэр аналлаах улуус педагогическай ааҕыыларын тэрийэн ыытабыт. Оскуола иһинэн «Р.В.Платонов аатынан лауреат» диэн анал ааты иитээччигэ, учууталга анаан олохтуубут. Тэрээһиннэргэ спонсор буолабыт, маастар кылаастары ыытабыт.

— Оҕолорго тугу баҕарыаҥ этэй?

— Оҕолор үчүгэй үөрэхтээх, ыра санаалаах, төрөөбүт дойдуларыгар бэриниилээх дьон буолалларыгар баҕарыам этэ.

Нарияна Антипина , IХ кылаас, «Үрүйэчээн» пресс-киин эдкора.

Кыһыл Үрүйэ, Хаҥалас улууһа.

####

Читать далее

Н.А. Соколова: «Республика активно поддерживает агропромышленность»

22.12.2024 14:10

Ил Дархан Харыйата: «Ийэ дойду күүһэ. Саха сирин оҕолоро»

22.12.2024 02:35

“Бэрдьигэстээххэ уонна Аммаҕа колледжтар арыллалларын ситиһиэхтээхпит”

22.12.2024 00:44

Ил Дархан Харыйата – оҕо сааһым ыра...

21.12.2024 21:30

Ил Дархан Харыйата үөрүүлээх түгэни бэлэхтээтэ

21.12.2024 21:21

Ил Дарханныын кэпсэтии

21.12.2024 20:14

Добавить комментарий





шесть − 5 =

Наименование издания: keskil14.ru
Учредитель: Государственное автономное учреждение Республики Саха (Якутия) «Детское издательство «Кэскил»» имени Н.Е. Мординова-Амма Аччыгыйа.
Главный редактор: Чьямова Татьяна Васильевна.
Адрес редакции: 677000, г. Якутск, ул. Орджоникидзе, 31.
Телефон редакции: +7(411)234-11-12.
Электронная почта редакции: keskilpress@gov14.ru

При любом использовании текстовых материалов на иных ресурсах в сети Интернет гиперссылка на источник обязательна. Фотографии, видеоматериалы, и иные мультимедийные продукты могут быть использованы только с письменного согласия редакции и учредителя.
6+
Cетевое издание keskil14 зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07.12.2020 г. Регистрационный номер ЭЛ № ФС77-79667.
Яндекс.Метрика