Мин хос эhэм Константин Федотович Иванов 1917 сыллаахха ыам ыйын 15 күнүгэр Сунтаар улууhун Бастакы Дьаархан нэhилиэгэр төрөөбүтэ. Сэрии иннигэр холкуоска үлэлээбитэ. Аҕа дойду Улуу сэриитэ саҕаланар кэмигэр Түбэй нэhилиэгэр «Ааҕар балаҕаҥҥа» үлэлии сылдьыбыт. 1942 сыллаахха сэриигэ ыҥырыллыбыт. Мухтуйаҕа (билигин Ленскэй куорат) диэри сатыы тиийбит.
Салгыы борохуотунан Иркутскай куоракка тиэрдибиттэр. Ыарахан айаны уйбакка, онно эбии аччыктаан, доруобуйата мөлтөөн Иркутскайга үлэ фронугар – собуокка үлэлээбит.
Байыаннай кэмҥэ собуокка хорсуннук үлэлээбит. Сэрии бүтүүтэ дойдутугар кэлэн, Амакинскай экспедицияҕа, “Элгээйи” сопхуоска пенсияҕа тахсыар диэри үтүө суобастаахтык үлэлээбит.
Олохтон 1981 сыллаахха олунньу 9 күнүгэр туораабыт.
Алина ОСИПОВА, III «В» кылаас,
«Үктэл» пост, Саха гимназията, Дьокуускай