Оскуолабыт аһыллыытыгар былырыын үөрэх министерствота робототехника наборун бэлэхтээбитэ. Бары олус үөрбүппүт. Былырыыҥҥыттан робототехника кружогун информатика учуутала Уварова Ньургуяна Алексеевна аһан баҕалаах оҕолору уруок кэнниттэн дьарыктыыр. Кружокка лего конструкторынан араас роботтары хомуйан компьютер нөҥүө хамсыы, хаамар, сүүрэр оҥоробут. Бу кружокка дьарыктанарбытын олус сөбүлүүбүт.
Быйыл кружок оҕолоро куоракка «Робофест» диэн республиканскай фестивальга Скрыбыкин Руслан (7 кыл), Андреев Айтал (5 кыл), Мазинцев Антон (5 кыл) баран кыттан кэллибит. Фестивальга республикаттан барыта 400 оҕо түмүстэ. Барыта 90 команда. Биһиги оскуола икки команданан кытынныбыт “Генезист” уонна “Руслайт”. Шортрект күрэххэ Антон биэс бастыҥ иһигэр киирдэ, онтон Руслан уонна Айтал «Чертежник» күрэххэ 2 миэстэни ыллыбыт. Фестивальга EV3 конструкторынан робот оҥорбуппут уонна компьютерга программа оҥорон 4 робот – массыыналары оҥорон сүүртүбүт.
Онтон бу сылга бастакы улуустааҕы «Первые шаги в науку» диэн математика фестивалыгар Мазинцев Антон, Ксенофонтов Максим, Куулар Сергелен уонна мин, Андреев Айтал, кыттан кэллибит. Олимпиадаҕа логическай задачалары суоттаатыбыт. Фестиваль кэмигэр оҕолор оҥоһуктарын выставкатын кердубут. Манна оҕолор оҥорбут радиоларын, чаһыларын сэҥээрдибит. «Сумашедший профессор Николя» диэн псевдонимнаах бэрт интэриэһинэй киһи химия уонна физика законнарынан араас фокустары, опыттары көрдөрөн барыбытын сөхтөрдө.
Мазинцев Антон, Андреев Айтал, 5 кыл