Тохсунньу 16 күнүгэр Уус Алдан улууһун дьаһалтата 2024 сылга ыытан кэлбит үлэтин түөрт Геройдаах Байаҕантай нэһилиэгэр отчуоттаата.

Отчуотуур мунньахха Уус Алдан улууһун баһылыгын бастакы солбуйааччыта Илья Юрьевич Артамонов, улуус капитальнай тутууларын уонна архитектуратын управлениетын начальнигын солбуйааччыта Руслан Николаевич Герасимов, ОДьКХ кылаабынай экономиһа Степан Николаевич Бочкарев, тыа хаһаайыстыбатын управлениетын начальнига Петр Петрович Попов, Уус Алдан улууһун киин балыыһатын кылаабынай бырааһын солбуйааччыта Сахаяна Васильевна Васильева, үөрэх управлениетын начальнигын солбуйааччыта Иван Иванович Никонов, улуустааҕы култуура управлениетын начальнига Сергей Сергеевич Нафанаилов, нэһилиэктэри кытары үлэ отделын кылаабынай специалиһа Сергей Петрович Шепелев, улуус ветеринарнай управлениетын ООВМ группатын сэбиэдиссэйэ Ирина Петровна Машникова, улуустааҕы социальнай управление кылаабынай специалист-эксперта Тамара Владимировна Исакова, Уус Алданнааҕы Ис дьыала отделын учаастактааҕы боломуочунайдара Николай Иннокентьевич Васильев, Василий Иванович Егоров, Бороҕоннооҕу РЭС Тандатааҕы учаастагын маастара Владислав Васильевич Колодезников.

Отчуоттуур мунньаҕы Байаҕантай нэһилиэгин баһылыга Савва Иванович Егоров сүрүннээн ыытта.
Мунньах үөрүүлээх түгэнтэн саҕаланна. Улуус баһылыгын бастакы солбуйааччыта Илья Юрьевич Артамонов улууспутугар биллэриллибит 2024 сыл Аҕа сылын чэрчитинэн, Саха өрөспүүбүлүкэтин аҕалар түмсүүлэрин ааттыттан «Аҕа статуһун үрдэтиигэ уонна дьиэ кэргэн институтун бөҕөргөтүүгэ кылаатын иһин» түөскэ анньыллар мэтээли уонна дастабырыанньаны Артур Семенович Абрамовка ытыс тыаһын ортотугар туттарда.

Отчуоттуур мунньахха Байаҕантай олохтоохторо араас хабааннаах элбэх ыйытыыны биэрдилэр. Ол курдук биһиги нэһилиэкпт дьонун-сэргэтин култуура, спортсаала саҥа дьиэтин тутуута, суол-иис, нэһилиэк 100 бырыһыан сылааһынан хааччыйар ситимҥэ холбонуута, тыа хаһаайыстыбатыгар сүөһү төбөтүгэр көрүллэр үп-харчы, үүтүн сыанатын үрдэтии боппуруостара долгуталлар эбит.
Быйыл Кыайыы 80 сыла, Арассыыйаҕа Аҕа дойдуну, Саха өрөспүүбүлүкэтигэр Ийэ дойдуну көмүскээччилэр сыллара.
Манан сибээстээн, анал байыаннай дьайыыларга хорсун быһыыны көрдөрбүт Герой «Алешаҕа» улуус киинигэр уонна Тандаҕа өйдөбүнньүк паамытынньыгы, модун санаа, Ийэ дойдуга бэриниилээх буолуу бэлиэтин быһыытынан улууска «Алеша» танканы туруорар үлэлэри саҕалыыры туруорустулар.
Уопсай түмүккэ Байаҕантай нэһилиэгэр улуус дьаһалтатын ааспыт сыллааҕы үлэтин «сөптөөҕүнэн» сыаналаатылар.
Туяра МАМОНТОВА, IX кылаас, «Байаҕантай кэскиллэрэ» юнкорпост,
М.Н. Готовцев аатынан Танда орто оскуолата, Уус Алдан