Сурутуу салҕанар
—Оҕо сылдьан «Бэлэм буол»-«Кэскил» хаһыаты ааҕан бөҕө,—диир Николай Иванович Аржаков, СӨ тырааныспар уонна суол хаһаайыстыбатын министиэристибэтин тимир суол салаатын начальнига. – «Дьоҕур» общество сорудахтара «Бэлэм буол»-«Кэскил» хаһыакка бэчээттэнэллэр этэ дии, учууталбыт Клавдия Петровна Оготоева биһиэхэ ол сорудахтары анаан-минээн толорторо биэрэрэ. Биһиги күргүөмүнэн суоттаан ыытарбыт. Ол түмүгэр, миигин уонна Гоша Лугиновы РФМШ-ҕа (билигин өрөспүүбүлүкэтээҕи лиссиэй) үөрэххэ ылбыттара.
Оҕо саас сырдык өйдөбүллэрин ахтан, Николай Иванович үөрэх дьыла саҕаламмытынан, Уус Алдан Сыырдааҕар, Тулунатыгар олорор элбэх оҕолоох ыалга: Ивановтарга, Аржаковтарга «Кэскил» хаһыат сурутуутун балаҕан ыйыттан ахсынньы бүтүөр диэри бэлэхтээтэ.
Редакция аатыттан оҕо ааҕыытын өйүүр Николай Иванович Аржаковка барҕа махталбытын тиэрдэбит.
Жанна Леонтьева.