Нижнэй Новгород куоракка Аан дойдутааҕы робототехника уонна нейротехнология күрэҕэ буолла. Ньурбаттан биэс оҕо ситиһиилээхтик кыттан, кыайыы көтөллөнөн кэллэ.
Ньурба талааннаах оҕолоро «ДетальКа» диэн аатынан Нижнэй Новгородка ыытыллыбыт робототехника уонна нейротехнология күрэҕэр кытыннылар. Манна киэҥ Арассыыйа уонна Узбекистан сириттэн холбоон 52 араас куораттан 400-тэн тахса оскуолаҕа киириэн иннинээҕи саастаах оҕолор уонна алын сүһүөх үөрэнээччилэрэ күөн көрүстүлэр.
Робототехника салаатын саҥа диэн саллан турбакка Ньурба улууһун педагогтара кимиилээхтик, ситимнээхтик ылсан үлэлэһэллэн баһаам ситиһиилэннилэр.
Оҕону сайыннарар киин «Биһик» оҕо саадыттан Столяров Артур, Семенов Дамир, Олесов Харысхан айар категорияҕа 3-с миэстэ буоллулар, салайааччылара Афанасьев Владимир Николаевич. Өссө Харысхан «Очистка русла реки» категорияҕа 2-с миэстэ ылан, кыайыы өрөгөй көтөллөөх дойдуларыгар кэллилэр. Лебедева Виолетта Оҕону сайыннарар киин «Кэскил» оҕо саадыттан «Миссия для дошкольника» категорияҕа 1-кы миэстэ буолла, салайааччыта Иванова Лидия Николаевна. 1-кы нүөмэрдээх Ньурба куорат оскуолатыттан 3-с кылаас үөрэнээччитэ Олесова Чэмэлиинэ «Национальные танцы образовательных роботов» категорияҕа анал бириис ылла, салайааччыта Егоров Александр Валентинович.
Оҕолор эрчийэрбит, бэлэмнээбит, кыттарга көмөлөспүт «Smart Education» фирма салайааччытыгар Петрова Октябрина Семеновнаҕа уонна «Малая компьютерная академия» салайааччытыгар Василий Васильевич Максимовка махталлара муҥура суох.
Октябрина Семеновна Ньурба оройуонун үөрэҕин салалтатыгар уонна чуолаан бэһис сылын роботехниканан дьаныардаахтык ылсан үлэлиир үлэтэ түмүктээх буолбут «Биһик» оҕо саадын кэлэктиибигэр махталын биллэрэр.
Ааптар: Венера Степанова, Ulus.media