Конституцияҕа киириэхтээх уларыйыылар тустарынан Мэҥэ Хаҥалас Хаптаҕайын оскуолатыттан суруйаллар.
Конституция уларыйыытыгар сүрүн тосхолунан Россия норуотун олоҕун тупсуута(благосостояние) буолуохтаах
Билиҥҥи Конституция 30-ча сыл үлэлээтэ. Олох уларыйыытын, сайдыытын быһыытынан, сүрүн ыстатыйалара уларыйара наадалаах.
Конституция – судаарыстыба, дойдубут гражданнарын кытта дуогабар буолар. Онон уларыйыы икки өттүттэн сөбүлэҥинэн барыахтаах. Ыксала суох сиһилии ырытан, биир сөптөөх сөбүлэҥҥэ киирсэн.
Конституция уларыйыытыгар сүрүн тосхолунан Россия норуотун көҥүлэ уонна олоҕун тупсуута(благосостояние) буолуохтаах.
Конституцияттан норуоппут, бүтүн дойдубут уопсай дьылҕалара тутулуктаах.
97, 114 ыстатыйаларга уларыйыы сөптөөх дии саныыбын. 67, 72 ыстатыйалары үчүгэйдик толкуйдаан быһаарсар наадалаах.
Нина Николаевна Яковлева, Хаптагай оскуолатын учуутала.
Саха сирэ бэйэтин бэйэтэ Россия сокуонун иһинэн салайынар кыахтаах буолуохтаах
Мин үөрэнээччи, оҕо буоларым быһыытынан, 114 ыстатыйаҕа үөрэхтээһин, култуура , доруобуйа өттүгэр уларыйыы киириитин биһириибин. Ким баҕарар үөрэнэр кыахтаах (доступнай), босхо үөрэхтээһин киириэн баҕарабын. Төрөөбүт Сахам сирэ суверенитеттаах буолуохтаах.Бэйэтэ бас билэр сирдээх-уоттаах, бэйэтин бэйэтэ Россия сокуонун иһинэн салайынар кыахтаах. Эдэр ыччакка сыһыаннаах уларыйыыны эмиэ баҕарабын.
Миша Сидоров, Хаптаҕай оскуолатын үөрэнээччитэ.
Дойду дьиэ кэргэнтэн саҕаланар
Дьиэ кэргэҥҥэ, оҕоҕо анаан Конституцияҕа сурулла сылдьар: «Дети являются основным достоянием РФ, а государство создает условия, способствующие всестороннему духовному, нравственному, интеллектуальному и физическому развитию детей воспитанию в них патриотизма, гражданственности и уважения к старшим. Государство обеспечивает приоритет семейного воспитания». Онон оҕоҕо, дьиэ кэргэҥҥэ, тулаайах оҕолорго сыһыаннаах уларыйыы киирэрэ наадалаах.
Социальнай гарантия – бу Россия норуотун сүрүн ирдэбилэ. Соцстрахование, тустаах араҥаҕа социальнай көмө, пособиялар индексациялара. Сыана үрдээһинэ биэнсийэ, пособие кээмэйин баһыйыа суохтаах. Конституцияҕа хаачыстыбалаах медицинскай көмө ханнык региоҥҥа олороргуттан тутулуга суох оҥоһуллуохтааҕа чуолкайдык ыйыллыахтаах.
Туйаара Гаврильевна Стручкова, төрөппүт.
Мэҥэ Хаҥалас.