Дьааҥы Боронугар Өрөспүүбүлүкэ күнүн киирбэт үрүҥ күннээх былааҕы күөрэччи тутан көрсөллөр. Саха Өрөспүүбүлүкэтин Государственнай былааҕа Өрөспүүбүлүкэ тус бырааптаныытын кэрэһэлиир бэлиэтинэн буолар.
Былаах 1992 сыл алтынньы 14 күнүгэр Саха Өрөспүүбүлүкэтин Верховнай Советын 15 сессиятыгар бигэргэммитэ. Биэс элэмиэнтэн турар: түөрт балаһалаах, былаах ортотугар үрүҥ күнү бэлиэтиир төгүрүктээх. Өҥнөрүн суолтата: халлаан күөх үрүҥ күнү кытта – саха норуотун терүт үгэстэрэ, үрүҥ күҥҥэ сүгүрүйүү, көҥүл, маҥан – ыраас санаа уонна эрэл, от күөх – айылҕа, доҕордоһуу сыһыан, кыһыл – ийэ дойдуга бэриниилээх буолуу, ааспыт историяҕа ытыктабыл, инники сайдыы.