Биһиги оскуолабытыгар Валентина Ивановна Иванова салайааччылаах олус үчүгэй куруһуок үлэлиир. Биһиги бу куруһуокка араас киэргэллэри, сувенирдар оҥоробут, үтүлүк тигэбит.
Мин манна иккис сылбын дьарыктанабын. Араас сувенирдары, сылаас үтүлүктэри тигэргэ, хайдах батаран атыылыырга кытта үөрэнним. Бастаан утаа матырыйааллары учууталбыт бэлэмнээн биэрэрэ. Онтон кэлин үөрэнэн, бэйэм холбоон тигэр буолбутум. Иистэнэргэр ис санааҕын, илииҥ сылааһын анаатаххына, үлэҥ табыллар дии саныыбын.
Миигин иискэ үөрэтэр учууталбар махтанабын. Бэйэм илиибинэн тутан-хабан оҥорбут үлэлэрбин дьон үөрэ-көтө ыларыттан санаам көтөҕүллэр.
Айна УСТИНОВА, VI кылаас,
В.М. Новиков-Күннүк Уурастыырап аатынан Эмис орто оскуолата, Амма