Бу күннэргэ Чурапчыга регги ырыаһыт Китджа доҕоро Николай Новгородовтуун ыалдьыттыыллар. Оҕоҕо, ыччакка кэрэ-бэлиэ киэһэни бэлэхтииллэр, сүргэлэрин көтөҕөллөр. Нэһилиэк аайы саала иһэ сүгүрүйээччилэринэн туолар.
Регги стиллээх ырыаһыт Китджа Чурапчы Толоонугар кэнсиэрдээтэ. Толорооччу номнуо хит буолбут «Уоскулаҥ», «Эйиэнэ», о.д.а. ырыаларын бэлэхтээтэ. Көрөөччү сөбүлээбитин ыһыытаан-хаһыытан биллэрдэ.
Китджаны кытта сыанаҕа олохтоох уол ылласта. Убайым Роберт 9-с кылаас үөрэнээччитэ «Бууйа, бууйа» диэн хиты тэҥҥэ толордо. Бэркэ ыллаата! Биһиги, Китджа талааныгар сүгүрүйээччилэр, сөбүлээн истэр ырыаһыппытыгар ситиһиини, дьолу-соргуну баҕарабыт.
Ааптар: Копырин Спартак, 8-с кылаас үөрэнээччитэ, «Бахсы кыымнара» эдкорпост.
Толоон, Чурапчы.