Бүгүн, от ыйын 3 күнүгэр, «Лингва» лааҕыр оҕолоро Улахан Аан нэһилиэгэр баар Александр Самсонов-Айыы Уолун аатынан музей-дьиэҕэ ыалдьыттаатыбыт.
Биһиги Айыы Уолун ырыаларын билэбит, ыллыыбыт. Ол курдук ыам ыйыгар «Айылҕа оҕото» диэн бырайыагынан үөрэнээччилэр бары Александр Самсонов ырыаларын үөрэтэн, кини скверигэр ырыа күнүгэр ыллыыбыт, мас, сибэкки олордобут.
Улахан Ааҥҥа маннык музей дьиэ баарын билбэт этим. Биһиэхэ барыбытыгар ийэтэ Марфа Иннокентьевна Самсонова визитка курдук халандаар бэлэхтээтэ. Видеоплеер холбоон, урукку кэнсиэртии сылдьарын көрдөрдө. Элбэх хаартыска, оонньуур, үөрэммит, туттубут маллара, таҥаһа баар эбит. Оҕолор бары үөрэммит тэтэрээтин көрдүбүт. Математика уонна нуучча тылыгар кини 4, 5 сыанаҕа үөрэммит эбит, буочара үчүгэй. Өссө бэйэтэ уруһуйдуурун сөбүлүүр эбит. Гитаралаах уолу уруһуйдаабыт этэ. Ол гитарата эмиэ баара.
Бу дьиэҕэ «Айыы Уола» диэн киинэ уһуллубут эбит. Ол иһин киинэни көрүөхпүн баҕардым.
Ким баҕар бу музейга сылдьыан, Айыы Уолун туһунан элбэҕи билиэн сөп.
Влад Громов, М.Е.Васильева аатынан 2 Малдьаҕар орто оскуолатын 6 кылааһын үөрэнээччитэ