Бүгүн биһиги нэһилиэкпитигэр үөрүүлээх түгэн буолла! Нэһилиэкпит учаастактааҕы балыыһатыгар сабыс-саҥа суһал көмө массыынатын сүүрдэн аҕаллылар.
Үөрүүлээх сонун сойо илигинэ балыыһа биэлсэрин Оксана Анатольевна Солдатованы кытта кэпсэттим.
– Саҥа массыынабыт 2023 сыллаахха Ульяновскай куоракка оҥоһуллубут. Онон этэргэ дылы, «буруолуу сылдьар» көлөнү туттубут. Саҥа массыынабыт «А» кылаастаах, суһал көмөнү оҥорууга, ыарыһахтары, эми-тому, анализтары таһарга аналлаах. «Доруобуйа» национальнай бырайыак чэрчитинэн кэллэ. Бүгүҥҥүттэн суоппарбыт Вячеслав Васильевич Гаврильев сүүрдэн саҕалаата, – диэн кэпсээтэ О.А. Солдатова.
Эмистээҕи балыыһа коллектива, нэһилиэк олохтоохторо улуус баһылыгар С.Н. Кузьмиҥҥа, улуус кылаабынай бырааһыгар М.А. Архиповка дириҥ махталларын биллэрэллэр.
Эрчим НИКОЛАЕВ, VIII кылаас,
Эмис орто оскуолата, Амма