2024 сылга үктэнэн оскуолабытыгар маҥнайгы тэрээһиннэр саҕаланнылар. Тохсунньу 13 күнүгэр оҕолорго чѳл олоҕу, спордунан дьарыгы кѳҕүлээн, Арассыыйаҕа дьиэ кэргэн уонна Саха сиригэр оҕо саас сылыгар анаан 2006 сыл тѳрүѳх сылтан аллара саастаах оҕолорго региональнай волейбол күрэҕэ А.Е.Алексеев аатынан успуорт саалатыгар ыытылынна. Күрэхтэhиини М.А.Алексеев аатынан Баппаҕаайы оскуолата тэрийдэ, кылаабынай судьуйа физкультура учуутала Иванова М.К.. Чугас сытар Горнай улууhун Бэрдьигэстээх гимназиятын, Дьиикимдэ, Кэптин, Орто Сурт, Бүлүү улууhун Хампа, Лѳкѳчѳѳн, Баппаҕаайы оскуолаларыттан мустан 9 хамаанда, ол иhигэр 3 кыргыттар, 6 уолаттар хамаандалара кыттыыны ыллылар.
Кэлбит спортсмен оҕолору, тренердэрин сахалыы сиэринэн арыылаах алаадьынан күндүлээн, алгыс ырыатынан кѳрсүбүттэрэ. Оскуола дириэктэрэ Макаров В.В., нэhилиэк баһылыга Николаев Е.А., физкультура учуутала, тренер, кылаабынай судьуйа Иванова М.К. күрэхтэhии кыттыылаахтарыгар алгыстаах тылларын анаан, ситиhиилээх оонньууну, кыайыыны – хотууну этэн күрэхтэhиини арыйдылар. Комментатор Андреева Д.Н. хас биирдии оскуола туhунан, күрэхтэhэр оҕолору билиһиннэрэн истэ. Заалга минньигэс астаах 11 кылаас тѳрѳппүттэрэ, нэhилиэк олохтоох асчыттара Иванова Д.С., Федорова С.А. Макарова Ю.Н., Николаева А.С. кыттыылаах буфет үлэлээн, кэлбит ыалдьыттар бары тото –хана аhаатылар.
Биир күннээх тыҥааһыннаах күрэх түмүгэр:
Кыргыттарга 1 миэстэ – Бүлүү улууһун М.А.Алексеев аатынан Баппаҕаайы оскуолатын хамаандата, тренер Иванова Мария Константиновна.
2 миэстэ – Горнай улууһун В.В.Филиппов аатынан Бэрдьигэстээх гимназията, тренер Федорова Анна Афанасьевна.
3 миэстэ – Горнай улууһун Кэптин оскуолата, тренер Тарабукина Сахаяна Ильинична.
Уолаттарга 1 миэстэ – Горнай улууhун С.П.Данилов аатынан Дьиикимдэ оскуолата, тренер Прокопьева Евдокия Васильевна.
2 миэстэ – Бүлүү улууһун С.Ф.Гоголев аатынан Хампа оскуолата, тренер Сивцев Руслан Иванович.
3 миэстэ – Бүлүү улууһун А.И.Леонтьев аатынан Лѳкѳчѳѳн оскуолата, тренер Алексеев Валерий Валерьевич.
Волейболга биирдиилээн анал номинациялар кыайыылаахтара:
«Лучший нападающий» — Данилова Мичийээнэ, Баппаҕаайы; Тимофеев Альберт, Дьиикимдэ.
«Лучший разыгрывающий» — Никифорова Елена, Бэрдьигэстээх; Чемезов Егор, Орто Сурт.
«Полезный игрок» — Алексеева Күннээйэ, Баппаҕаайы; Яковлев Артём, Петров Роберт, Лѳкѳчѳѳн.
«Перспективный игрок» — Лукина Маргарита, Кэптин; Иванов Дьулусхан, Баппаҕаайы.
«Стремление к победе» — Константинова Күннэй, Бэрдьигэстээх; Катанов Кэскил, Хампа; Петров Арылхан, Бэрдьигэстээх.
«Анал бириис» — Харлампьев Саша, Баппаҕаайы.
«Лучший игрок турнира» — Осипов Эрхан, Дьиикимдэ.
Миэстэлэспит хамаандалар, анал номинация ылбыттар бириистэринэн, мэтээллэринэн наҕараадаланнылар.
Бириистэр спонсордар ѳйѳбүллэринэн туруорулуннулар. Оскуолабыт улахан тэрээhиннэригэр куруутун күүс – кѳмѳ буолар спонсордарга, патриот санаалаах дьоммутугар Николаев Е.А. (олохтоох дьаһалта), Макаров В.В. (Баппаҕаайы оскуолата), урбаанньыттар Алексеев Н.Н., Яковлева Р.Д., Петрова Р.Н., «Алаһа» СК, Харлампьева В.В., Афанасьева М.И.(педагог –организатор), нэһилиэк спортивнай ыаллара Николаевтар А.А., В.М., Яковлевтар Нь.М., А.И. үтүѳ санааларын иhин улахан махтал, доруобай, дьоллоох буоллуннар.
Күрэхтэhиигэ ким күүстээх кыайар диэн этэллэринэн, хамаандалар олус үчүгэй киирсиилээх оонньууну кѳрдѳрдүлэр. Спорт – чөл олох төрдө. Спордунан дьарыктаныаҕыҥ, доруобай, чэгиэн туруктаах буолуоҕуҥ. Саҥа дьылынан, дьиэ кэргэн, оҕо саас сылынан эҕэрдэлиибит!
***
Күрэхтэһээччилэртэн «Кѳмүс бѳрүѳ» пост эдэр кэрэспэдьиэннэрэ интервью ылан кэпсэттилэр:
1. Хаһааҥҥыттан волейболга оонньуугун?
2. Тѳһѳ дьарыктанаҕын?
3. Спорт ханнык кѳрүҥнэрин сѳбүлүүгүн?
4. Ханна күрэхтэспиккитий?
5. Волейбол оонньуу туохха үѳрэтэрий, туһалыырый?
Николаева Чэмэлинэ, 11 кылаас, М.А. Алексеев аатынан Баппаҕаайы оскуолата:
- Кыра эрдэхпиттэн волейболунан дьарыктанабын .
- Бириэмэлээх буоллум да, киэһээ аайы спортзалга оонньуубут.
- Волейбол уонна оҕунан ытарбын сѳбүлүүбүн.
- Бүлүү куоратыгар элбэхтик кыттан кэлбиппит. Бүлүүгэ 1 уонна 2с миэстэлээхпит, нэһилиэк иһинэн эмиэ 1, 2с миэстэлэрдээхпит.
- Волейбол оонньуу хамаанданан буолан бары бииргэ бииргэ буоларга, оонньоон үчүгэйдик, күүстээхтик кыттан, элбэх күрэхтэргэ миэстэлэһэр буолаҕын.
Лукина Маргарита, 10 кылаас, Горнай улууһун Кэптин оскуолата:
- Мин бэһис сылбын волейболунан дьарыктанабын.
- Биһиги иллэҥ кэммитигэр куруутун киирэн залбытыгар волейболлуубут.
- Волейбол, баскетбол, өбүгэлэр оонньууларын ордоробун уонна хайыһар.
- Горнай Бэрдьигэстээҕэр волейбол күрэҕэр кыттааччыбыт.
- Волейбол диэн уопсайынан хамаанданан үлэ, оҕолору кытта чугас, бэйэ-бэйэҕин ордук өйдүүр буолаҕын уонна физическэй тулууруҥ быдан үрдээн иһэр.
Максимов Дьулустаан,9 кылаас, Горнай улууһун Маҕаны оскуолата:
- Волейболга 2-3 сылбын дьарыктанабын.
- Нэдиэлэҕэ үстэ эрчиллэбит.
- Волейбол.
- Бэрдьигэстээххэ комплекснай күрэххэ кыттыбыппыт.
- Волейбол оонньуута түмсүүлээх, реакциялаах буоларга уонна түргэнник хамсанарга үөрэтэр.
Күрэҕи сырдатыыга «Көмүс бөрүө» пост эдэр кэрэспэдьиэннэрэ Андреева Айаана, Борисова Сандаара, Никифорова Саяна, Петрова Инга, салайааччылара Тарасова Л.С., Винокурова А.С. үлэлээтилэр.