Алтынньы 22 күнүгэр Убайаан, Антоновка спортивнай саалаларыгар Ньурба оскуолаларын үөрэнээччилэригэр волейболга саҥа сезон арыллыыта буолан ааста. Манна 10 оскуола кыттыыны ылла. Маалыкай кууста оскуолаларын күүстээх хамаандалара суол суоҕунан сибээстээн кыттыыны ылбатылар.
Волейболистар ох курдук оҥостон кэлбиттэр этэ. Кыргыттар, уолаттар диэн тус-туһунан саалаларга арахсан оонньоотубут. Биһиги Хаҥалас оскуолатын уолаттара 2 миэстэҕэ тигистибит. Бастакы – Таркаайы, иккис – Ньурба техлицейэ буолллулар. Хаҥаластар 8-11 кылаас уолаттара буолан син бары үчүгэйдик оонньоотубут. Бастыахпытын кыра да тиийбэтэ.
Оҕолорго спордунан дьарыктаныҥ, эккитин-хааҥҥытын эрчийиҥ, көхтөөх буолуҥ диэн бэйэм баҕа санаабын тиэрдэбин!
Павел ЛАРИОНОВ, 10 кылаас, «Ыллык» пост, Ньурба, Хаҥалас.